ဘီပိုးရှိသူများ ဆေးမကုနိုင်ပါက ဆေးတစ်မျိုးကို သောက်ပြီး ကင်ဆာကို ကာကွယ်နိုင်

 အသည်းရောင်အသားဝါဘီပိုးရှိနေပေမဲ့ ဆေးဝါးမကုသနိုင်ဘူးဆိုရင် ဆေးတစ်မျိုးကိုသောက်ပြီး အသည်းကင်ဆာကို ကာကွယ်နိုင်တယ်လို့  သတင်းတစ်ရပ်မှာ ဖော်ပြပါတယ်။

တီနိုဗိုဗာ (Tenofovir) ဆေးကို တစ်နေ့တစ်လုံးသောက်ပြီး အသည်းကင်ဆာကို ၇၀ ရာခိုင်နှုန်းထိ ကာကွယ်နိုင်တာဖြစ်တယ်လို့ သိရပါတယ်။ ဘီပိုးရှိလို့ ပိုးကောင်ရေနဲ့ ပိုးအခွံစစ်တာတွေ၊ အာထရာဆောင်းရိုက်တာတွေ နဲ့ အခြားကျန်းမာရေးစစ်ဆေးမှုတွေ မခံယူနိုင်သေးချိန်မှာ ယင်းဆေးကို တစ်နေ့တစ်လုံး ပုံမှန်သောက်သုံးလို့ရပါတယ်။

အဆိုပါဆေးကို သောက်ရင် နှစ်နှစ်၊ သုံးနှစ်အတွင်း ကင်ဆာမဖြစ်နိုင်ဘဲ ဆေးစစ်ကာ မကုသနိုင်သေးဘူးဆိုရင် ဆက်သောက်လို့ရတယ်လို့  သိရပါတယ်။ အဆိုပါဆေးကို လက်ရှိမြန်မာနိုင်ငံဈေးကွက်ထဲမှာ တစ်လုံး ၇၀၀ ကျပ်နဲ့ ဝယ်ယူနိုင်ပါတယ်။

ဖိုးသူတော် (www.phothutaw.com)
Credit :  Duwun
http://www.phothutaw.com/2016/06/blog-post_716.html မှ ကူးယူထားပါသည်။

မဟာဇောတိက ဓမ္မဒါန: သမ္ဗု​ဒ္ဓေ ၅မျိုးဂါထာ​တော်​များ

မဟာဇောတိက ဓမ္မဒါန: သမ္ဗု​ဒ္ဓေ ၅မျိုးဂါထာ​တော်​များ: ၁.​အောင်​သမ္ဗု​ဒ္ဓေ က. သမ္ဗု​ဒ္ဓေ အဋ္ဌ​ဝီသတိ ၊       မမ ဂစ္ဆတိ ပုရ​တော ။       ပဉ္စ ဗုဒ္ဓါ မဟာ​တေ​ဇာ ၊       မမ သီ​သေ နိ​သီဒတိ။ ခ.   ဒိဗ္ဗ...

ကျွန်တော့်ရဲ့ အလီ

By

ထင်အောင်ကျော်

On  

Thu, 2016-06-09 06:30

Issue No.

No.1114 Thursday, June 9, 2016

(whitehouse.tumblr.com)

မဟာလက်ဝှေ့ကျော် မိုဟာမက်အလီသည် ဇွန်လ ၄ ရက်က သူ့အသက် (၇၄)နှစ်အရွယ်မှာ ကွယ်လွန်သွားခဲ့ပါပြီ။ အလီသည် လက်ဝှေ့သမား သက်သက်မျှ မဟုတ်။ ကမ္ဘာသူ၊ ကမ္ဘာသားများ အတွက် စံပြပုဂ္ဂိုလ်တစ်ဦးဟု ဆို ကြပါသည်။ သူမကွယ်လွန်မီ ၂၀၁၀ ပြည့်နှစ်က အလီတစ် ယောက် ကမ္ဘာ့စင်မြင့်ပေါ်ရောက် ရှိခြင်း ရွှေရတုအထိမ်းအမှတ်စာ အုပ်တစ်အုပ် ထုတ်ဝေခဲ့ပါသည်။ အဆိုပါစာအုပ်တွင် အမေရိကန် ပြည်ထောင်စု သမ္မတဘားရက်အို ဘားမားက What Ali means to me ဆိုပြီး အက်ဆေးရေးထားရာ ဘာသာပြန်ဆို ဖော်ပြလိုက်ပါ သည်။

အချိန်က ၁၉၅၉ ခုနှစ် ဆောင်းရာသီဖြစ်ပါသည်။ သူ ရောမအိုလံပစ်ပွဲတော်မှာ မုန် တိုင်းဆင်သည့်အလား အောင်ပွဲ များမခံမီ ခြောက်လအလိုကပါ။ ကက်ဆီးယပ်မာဆဲလပ် ကလေး ဂျူနီယာသည် အလွန်ပင် တက် ကြွနေပါသည်။ မနက် ၄ နာရီမှာ အိပ်ရာမှ ထသည်။ သည်အချိန် မိုးကုပ်စက်ဝိုင်းဆီမှာ လင်းအရုဏ်ပင် မပျို့တတ်သေး။ ကလေးက ချွေးခံအင်္ကျီဝတ်၊ သံမဏိထိပ်ဦး ကွပ်ထားသည့် စစ်ဘွတ်ဖိနပ် ဟောင်းကြီးကို ခြေမှာစွပ်ပြီး အ သည်းခိုက်အောင် ချမ်းအေးလှ သည့်အိမ်အပြင်ဘက်ဆီ ပြေးထွက်လာခဲ့သည်။ သူချစ်သည့်လူဝစ္စဗီးလ်မြို့ကို ဖြတ်ပြီးပြေးမည်။ပြ ၂၀ ဝေးသည့် ချက်စနတ်လမ်းရှိ ကျောင်းဆီသို့ မကြာခဏဆိုသလို ပင် ကျောင်းကားနှင့်အပြိုင် ပြေး သွားတတ်ပါသည်။

‘‘တခြားလူတွေလို ဒီကောင် က ဘာကြောင့် ကျောင်းကားမစီး တာလဲ’’ဟု ကျောင်းသားကလေး တစ်ယောက်က မေးခဲ့ဖူးပါသည်။

‘‘ဒီ ငနဲက အရူးပဲ။ ခပ် ကြောင်ကြောင်ကောင်လေ’’ဟု ကလေး၏ အတန်းဖော်တစ် ယောက်က ပြန်ဖြေသည်။

ထိုလူငယ်သည် သူရည်ရွယ် ရာကိုပဲ တစိုက်မတ်မတ်လုပ် တတ်ကြောင်းကို နောင်တော့ ကမ္ဘာကြီးသိလာခဲ့ရသည်။ ကျွန် တော်က သိပ်ငယ်သေးတော့ မိုဟာမက်အလီ ဖြစ်မလာခင် ကလေးအကြောင်းကို မမှတ်မိပါ။ နောက်တော့ သူသည် ကမ္ဘာ့ဟဲ ဗီးဝိတ်ချန်ပီယံဖြစ်လာရုံမျှမက သူ့အကြောင်းက အငြင်းပွားစရာ လည်း ဖြစ်လာခဲ့ပါသည်။ တချို့ ကဆို သူ့ကို မထီမဲ့မြင်ပင် ပြုခဲ့ ကြလေသည်။ လေးနှစ်နီးပါးကြာ လက်ဝှေ့လောကမှ ထုတ်ပယ်ခံ ထားရပြီးနောက် အလီတစ် ယောက် လက်ဝှေ့ကြိုးဝိုင်းထဲ တစ်ကျော့ပြန်ဝင်လာချိန်မှာ ကျွန် တော်က အထက်တန်းကျောင်း သားဘဝပဲ ရှိသေးသည်။ နောက် ပိုင်း သူ့ချန်ပီယံသရဖူကို ပြန် လည်ရယူလိုက်တော့ တစ်ကမ္ဘာ လုံး တအံ့တဩဖြစ်ခဲ့ရလေသည်။

အလီ့အရည်အသွေးအပေါ် ကျွန်တော်အလေးစားဆုံးမှာ ဘဝ ကံငယ်ခေနေချိန်တွင် သူမတူ အောင် အင်အားနှင့် သတ္တိရှိနေ ခြင်းပင် ဖြစ်ပါသည်။ ဘဝမုန် တိုင်းထဲမှာ သူ့လမ်းကြောင်းကို ဘယ်တော့မှ အပျောက်မခံခဲ့ပါ။

ဒါကို ကျွန်တော့်အခန်းထဲက နံရံပေါ်မှာ ချိတ်ဆွဲထားသည့် ဓာတ်ပုံကိုကြည့်ပြီး ကျွန်တော်က အမှတ်တရရှိနေပါသည်။ ပုံမှာ ပျိုရွယ်သော လက်ဝှေ့သမားအလီ က ဆန်နီလစ္စတန်အပေါ် မိုးပြီးရပ် နေပါသည်။ အဆုံးတွင် ယင်းက အလီသည် လက်ဝှေ့သမားတစ် ဦးမျှသာ မဟုတ်။ လူသားတစ်ဦး ဖြစ်ကြောင်းကိုလည်း အဓိပ္ပာယ် ဖွင့်ဆို ပေးခဲ့ပါသည်။ ကျွန်တော် သိသော အလီသည် သူ့ကာယ အင်အားယုတ်လျော့သွားချိန်ဝယ် ကမ္ဘာကြီးအတွက် ရင်ကြားစေ့ ပေးရေးနှင့် ငြိမ်းချမ်းရေးတို့အ တွက် အားတအားဖြစ်လာသည် ဆိုခြင်းကိုပါ။

သူ့ကို ကျွန်တော်တို့ လေး စားကြပါသည်။ ကလေးများအ ပေါ်မှာ သူ၏ နွေးထွေးကြင်နာ တတ်မှုအတွက် ဖြစ်ပါသည်။ ဟိုး နှစ်အတော်ကြာတုန်းက သူ ဖီလာဒဲလ်ဖီးယားဆေးရုံတစ်ရုံကို အ လည်ရောက်ခိုက် ခြေထောက်နှစ် ဖက်စလုံးမရှိသော ကလေးငယ် ကို ကောက်ယူပွေ့ချီလိုက်ပါ သည်။ ကလေးငယ်၏ မျက်လုံး များထဲ ကြင်နာစွာ စိုက်ကြည့်ရင်း အလီက ‘‘အရှုံးမပေးနဲ့၊ လူတွေကို လပေါ်အထိတောင် လွှတ်နေကြ ပြီ။ သားလည်း တစ်နေ့ကျရင် လမ်းလျှောက်ကို လျှောက်ရမယ်။အဲဒီအခါကျရင် ဒီလိုလုပ်ပစ် လိုက်’’ဆိုပြီး နာမည်ကျော်အလီ့ ခြေအကကို ကပြပါသည်။ သူ့ လက်ပေါ်က ကလေးက တခစ် ခစ်ရယ်နေ၏။

သူ့ကို ကျွန်တော်တို့လေးစား ကြပါသည်။ သူက သူ့ထင်ပေါ် ကျော်ကြားမှုကို လောကကောင်း ကျိုးအတွက် အမြဲသုံးခဲ့သော ကြောင့်ပါ။ ၁၉၉၀ ပြည့်နှစ်တုန်း က အမေရိကန် ဓားစာခံ ၁၄ ဦး ကို အီရတ်မှ လွတ်မြောက်အောင် သူက စွမ်းဆောင်ပေးခဲ့ပါသည်။ နယ်လ်ဆင်မန်ဒဲလားကို အကျဉ်း ထောင်မှ ပြန်လွှတ်ပေးစေဖို့အ တွက် တောင်အာဖရိကသို့ သူအ ရောက်သွားခဲ့ပါသည်။ အာဖဂန် နစ္စတန်က စာသင်ကျောင်းများ ကို အကူအညီပေးဖို့ ကုလသမဂ္ဂငြိမ်းချမ်းရေး တမန်အဖြစ်ဖြင့် သွားရောက်ခဲ့ပါသည်။ ပြီးတော့နာမကျန်းဖြစ်နေသော၊ ကိုယ်အင်္ဂါမသန်မစွမ်းဖြစ်နေသော ကလေးငယ်များဆီ သူကပုံမှန်သွားရောက်အားပေးလေ့ရှိပါသည်။

သူ့ကို ကျွန်တော်တို့ လေး စားကြပါသည်။ သူက အသက် အရွယ်မရွေး လူတိုင်းနှင့် ထဲထဲ ဝင်ဝင် အဓိပ္ပာယ်ရှိရှိ ပေါင်းသင်း ဆက်ဆံနိုင်သောကြောင့်ပါ။ ယခု အချိန်မှာ သူသည် ပါကင်ဆန် ရောဂါဝေဒနာကြောင့် စကားကို တိုးတိုးလေးပဲ ပြောနိုင်တော့သလို သူ့လှုပ်ရှားမှုများကလည်း စိတ် သွားတိုင်းကိုယ်မပါနိုင်တော့ချေ။

တစ်ကမ္ဘာလုံးရဲ့ အချစ် တော် ဘာကြောင့်ဖြစ်နေရတာလဲ ဟု မေးကြည့်သောအခါ သူက တုန်ခါနေသော လက်ချောင်းများ ကို ဝှေ့ယမ်းရင်း ‘‘ဒီလိုဗျ။ အခု ကျွန်တော်က ပိုပြီးလူသားဆန်တဲ့ လူ ဖြစ်နေပြီ။ ဘုရားသခင်က လူ တွေနဲ့ ကျွန်တော့်ကို ဆက်သွယ် ပေးထားတာကိုး’’ဟု သူက ဖြေပါ သည်။

ဒါသည်ပင် သည်ကနေ့ ကျွန်တော်တို့ကို စိတ်ကူးဉာဏ် ကွန့်မြူးစေသော မိုဟာမက်အလီ ဖြစ်ပါသည်။ တကယ်အောင်မြင် ချင်လျှင် ရှုံးနိမ့်ဖူးရမည်ဟု သူက ခံယူထားသည်။ မြဲသော သစ္စာ၊ ခိုင်သော မေတ္တာတို့ဖြင့် ကျွန်တော်တို့ တစ်ဦးချင်းစီသည် ဤကမ္ဘာ မြေကို ပိုပြီးနေချင့်စဖွယ်ဖြစ်လာ အောင် လုပ်ပေးနိုင်ကြောင်း သူက စံနမူထူခဲ့ပါပြီ။ သူသည် အစဉ် ထာဝရချန်ပီယံဖြစ်နေပါမည်။  ။

(ဤဘာသာပြန်ကို ‘စံပယ်ဖြူမဂ္ဂ ဇင်း’ အမှတ် ၃/၂၀၁၀ တွင် ဖော် ပြခဲ့ဖူးပါသည်။)

http://www.7daydaily.com/story/67100 မှ ကူးယူထားပါသည်။

Delete လုပ်ထားတဲ့ ဖေ့စ်ဘွတ်ခ်ပို့စ်တွေ ပြန်လည်ရယူနည်း

Victor.PaaTung on 2016-06-08 12:13 

ယခင်ပို့စ်တွေ ကြည့်ရှုဖို့ timeline ရှိလာတဲ့အခါ ဒီနည်းလမ်းက ဘာများ ထူးခြားနေလို့လဲဆိုပြီး တွေးမိကောင်းတွေးမိပါလိမ့်မယ်။ ဒါပေမယ့် သင့်အကောင့်ဖွင့်လိုက်တဲ့နေ့ကစ တင်ထားတဲ့ status update နဲ့ post တွေအားလုံးက သင့်မျက်စိတောင် မယုံနိုင်ဖြစ်စေမယ့်အရာမျိုး ရှိလာနိုင်တာဆိုတာ ယုံနိုင်ပါ့မလား။ သင့်အချစ်ရေး စတေးတပ်စ် ဘယ်လိုပြောင်းသွားလဲ၊ သင့်သွားရောက်လည်ပတ်ခဲ့ရာ နေရာဒေသအားလုံး၊ သင့်မိသားစုနဲ့ မိတ်ဆွေသူငယ်ချင်းတို့နဲ့အတူ ကြည့်ရှုခဲ့ကြတဲ့ ရုပ်ရှပ်ကားတွေ အားလုံး မြင်တွေ့ရတာ အင်မတန် စိတ်ဝင်စားစရာ ကောင်းပါတယ်။ သင့် update မှန်သမျှ ပြန်လည်ကြည့်ရှုလိုတယ်ဆိုရင် ရိုးရှင်းပြီး အသုံးဝင်တဲ့ ဒီနည်းလမ်းကတဆင့် သွားပြီး သင့်အမှတ်တရနေ့စွဲတွေ ပြန်လည်ခံစားနိုင်ပါတယ်။

၁။ Settings သို့သွားပါ။

၂။ Download a copy of your Facebook data လေးကို နှိပ်။

၃။ Start My Archive ကို နှိပ်။

၎။ အတည်ပြုချက်ပြုလုပ်ဖို့အတွက် password လေးပြန်လည် ရိုက်ထည့်ပေးရပါမယ်။

၅။ Start My Archive ကို ပြန်နှိပ်ပါ။ 

၆။ အခုချိန်မှာ လုပ်ရမှာက အီးမေးလ် မရမချင်းစောင့်ရမှာ ဖြစ်ပါတယ်။

အီးမေးလ် လက်ခံရရှိပြီးတာနဲ့ သင့်အကောင့် history တစ်ခုလုံး ဝင်ရောက်ကြည့်ရှုခံစားနိုင်ပါပြီ။ 

Ref: alltechbuzz

http://www.trend.com.mm/2016/06/08/lifestyle-9716 မှ ကူးယူထားပါသည်။

စကြ၀ဠာတိုက်တစ်သောင်း (မြသန်းတင့်-မြန်မာပြန်)

On  

Wed, 2016-06-08 13:16

Issue No.

အတွဲ (၁၅)၊အမှတ် (၁၃)

လွန်ခဲ့သော နှစ်ပေါင်းလေးရာကျော်က အီတလီ လူမျိုးတစ်ဦးသည် ‘နေကို ကမ္ဘာက လှည့်ပတ်နေ ကြောင်း’ အယူတင်ပြခဲ့ရာ အုတ်အော်သောင်းတင်းဖြစ်ခဲ့ပြီး မိစ္ဆာဒိဋ္ဌိဟု စွပ်စွဲခံခဲ့ရသည်။ ထို့ပြင် ၎င်းက လူသားကို ဗဟိုပြု၍
တွေးခေါ်သော သိပ္ပံပညာသည် ပဓာနမကျ၊ လူသားသည် ဗဟိုအချက်အချာမဟုတ်၊ စကြ၀ဠာအတွင်းရှိ အမှုန်အမွှားမျှသာဖြစ်သည်ဟု ဖော်ထုတ်ပြောကြား လိုက်သည့်အခါ ကက်သလစ်ခရစ်ယာန် ဘုန်းတော်ကြီးများက ခုံရုံးတင် တရားစီရင်ခဲ့သည်။ ထိုအီတလီလူမျိုး ပညာရှင်သည် စီရင်ချက်အရ နောက်ဆုံးတွင် အသက်အရွယ်ကြီးပြီဖြစ်၍ ဒုက္ခမခံလိုတော့ဘဲ ဖော်ပြပါ အယူအဆများကို စွန့်လွှတ်ကြောင်း ၀န်ခံတောင်းပန် ခဲ့ရှာသည်။ သို့သော်ငြား ၎င်းသည် ပြောခဲ့သောစကားများကြောင့် နေအိမ်တွင် ဆယ်နှစ်မျှအကျယ်ချုပ်ကျခံခဲ့ရသည်။ ကွယ်လွန်ခါနီးတွင်မူ နီးစပ်ရာ ပုဂ္ဂိုလ်များအား ‘ဘယ်လိုပဲ ဖြစ်ဖြစ် ကမ္ဘာကတော့ နေကိုပတ်နေတာပဲ’ဟု သူ့ အယူအဆကို မလျှော့ဘဲ မှာကြားခဲ့သည်။ ထိုအီတလီ လူမျိုးသည် ခေတ်သစ်နက္ခတ္တဗေဒပညာကို လူသား မျိုးဆက်အတွက် ဆောင်ကြဉ်းပေးခဲ့သော ‘ဂယ်လီလီယို’အမည်ရှိ ပညာရှင်ဖြစ်ခဲ့သည်။ ဂယ်လီလီယိုသည် ထိုအယူအဆ များသာမက အာကာသ အတွင်းသို့ ကြည့်နိုင်သော မှန်ပြောင်းတီထွင်မှုနှင့်အတူ ဂျူပီတာ (ကြာသပတေး)ဂြိုဟ်ကို စတင်တွေ့ရှိခဲ့သည့် ပညာရှင်လည်းဖြစ်သည်။ ယခုခေတ် နက္ခတ္တဗေဒပညာရှင်များသည် ဂယ်လီလီယို ဖောက်ခဲ့သော လမ်းကို လျှောက်လှမ်းရသူများဖြစ်ပေသည်။

ဆရာမြသန်းတင့်သည် စာရေးအားအလွန် ကောင်းနေသော ကာလများအတွင်း စန္ဒာမဂ္ဂဇင်း၌ ၁၉၈၀ ဇန်န၀ါရီမှ ဇူလိုင်လအထိ လစဉ်အခန်းဆက် ဘာသာပြန်ဆောင်းပါးရှည်ကြီး တစ်ပုဒ်ရေးခဲ့သည်။ မူရင်း ဗြိတိသျှ
သိပ္ပံပညာရှင် ဆာဂျိမ်းစ်ဂျင်း၏ နာမည်ကျော်ဟောပြောပို့ချချက်များကို သိပ္ပံနှင့် နက္ခတ္တပညာစိတ်ဝင်စားသည့် မြန်မာ စာဖတ်ပရိသတ်များအတွက် ဆရာမြသန်းတင့်က ဘာသာပြန်ရေးသားခဲ့ခြင်း ဖြစ်သည်။ ထိုဆောင်းပါး
ရှည်ကြီးသည် နှစ်ပေါင်း ၃၀ ကျော် ငုံ့လျှိုးပျောက်ကွယ်နေပြီးမှ ယခုအခါစာအုပ် အဖြစ် တစုတစည်းတည်းထွ က်ပေါ်လာသည်။

မူရင်းဗြိတိသျှပညာရှင် ဆာဂျိမ်းစ်ဂျင်းသည် ခက်ခဲနက်နဲသော နက္ခတ္တဗေဒနှင့် ရူပဗေဒတွေ့ရှိချက်များကို အလွယ်ဆုံးနှင့် အရှင်းလင်းဆုံးဟောပြောနိုင်သည့် ပုဂ္ဂိုလ်အဖြစ် သူ့ခေတ်အခါက ထင်ရှားခဲ့သူဖြစ်သည်။ ထို့ကြောင့် ယခုစာအုပ်ပါ ဟောပြောချက်အဖွင့်ကို ဖော်ပြပါ ပညာရှင်ဂယ်လီလီယို၏ တွေ့ရှိမှုများဖြင့် မိတ်ဆက်ထားပြီး ထို့နောက်တွင် ကမ္ဘာ့အကြီးဆုံးကြယ်ကြီးများကစ၍ အသေးဆုံး အဏုမြူနျူကလိယ အစိတ်အပိုင်းအထိ ခွဲခြမ်း စိတ်ဖြာ ထားသည်။ ထို့ပြင် ကမ္ဘာမြေကြီး၏ သက်တမ်း၊ နေ၏ အပူရှိန်ဖြာထွက်မှု၊ ကြယ်အမျိုးအစားများနှင့် သွင်ပြင်လက္ခဏာ၊ ကြယ်များ စတင်ပေါ်ပေါက်လာပုံ၊ စကြ၀ဠာကြီးပေါ်ထွန်းလာပုံ၊ ဂြိုဟ်များပေါ်တွင် သက်ရှိသတ္တ၀ါများရှိ၊ မရှိနှင့် ပတ်သက်၍ လူပြိန်းနားလည်လွယ်အောင် အတတ်နိုင်ဆုံး ရှင်းလင်းပြောကြားထားသည်။ ထို့ပြင် နက္ခတ္တဗေဒနှင့် လူ့ကံကြမ္မာဆက်စပ်မှု ရှိ၊ မရှိတို့အထိ ရေးထားသည်။ ပညာရှင် အဆက်ဆက်တို့၏ တွေ့ရှိချက်များနှင့် ၂၀ ရာစု၏ အကြီးကျယ်ဆုံးသိပ္ပံပညာရှင် အိုင်းစတိုင်း၏ ရီလေတီဗတီသီအိုရီကို အရိုးရှင်းဆုံးနားလည်အောင် မိတ်ဆက်ထားသဖြင့် သိပ္ပံပညာနှင့် မရင်းနှီးသူများပင် နားလည် သဘောပေါက်လွယ်သော စာအုပ်ဖြစ်သည်။ စာမျက်နှာ ၁၀၀ ကျော်သာ ရှိသော်လည်း အလွန်လေးနက်သည့် အကြောင်းအရာများကို အတော်လေး လွယ်ကူရှင်းလင်းစွာ သိရပါမည်။ စာအုပ်ကျောဖုံးတွင် ‘စကြ၀ဠာသိပ္ပံနှင့် လူသား၏ ဖြစ်တည်မှု၊ လူသား၏ ကံကြမ္မာ အဆက်အစပ်၊ နက္ခတ္တဗေဒပညာက လူသားတို့၏ နေမှု၊ စားမှု၊ ရောင်းမှု၊ ၀ယ်မှုတို့အပေါ် အရိုက်အခတ်၊ ထိုမှ ဗေဒင်ပညာအဖြစ် ရုပ်ဖျက် ၀င်ရောက်လာကာ လူသား၏ အနာဂတ် ကံကြမ္မာအပေါ် နိမိတ်ဖတ်ခြင်း အစရှိသည့် နက္ခတ္တဗေဒပညာ၏ အမှောင်ခြမ်း၊ အလင်းခြမ်းကို အစိတ်စိတ်အပိုင်းပိုင်းခွဲကာ လေ့လာတင်ပြမှု’ဟု ရည်ညွှန်းဖော်ပြထားသည်။ စာအုပ်ကို တိုးမြစ်စာအုပ်တိုက်က တန်ဖိုး ၂,၀၀၀ ကျပ်ဖြင့် ပထမအကြိမ် ထုတ်ဝေသည်။

http://www.7daydaily.com/story/67049 မှ ကူးယူထာ့းပါသည်။

မိန်းမတို့ရဲ့ အတွေး ...

မိန်းမတို့ရဲ့ အတွေး ...: ခင်ပွန်းသည်က ဇနီးဖြစ်သူဆီကို ဖုန်းမက်ဆေ့ခ်ျ ပို့လိုက်ပါတယ်။

အာလူးကပေးတဲ့ ကျန်းမားရေး

« Back

မိုရ်မိုရ် (YUFL)

          အာလူးတွေဟာ ကမ္ဘာပေါ်မှာ စတုတ္ထမြောက် အများဆုံး စားသုံးကြတဲ့ သီးနှံဖြစ်ပါတယ်။ အာလူးကို ထောပတ်နဲ့ ရောနယ်ပြီးဖြစ်စေ၊ ဒိန်ခဲနဲ့ဖြစ်စေ၊ ဆီနဲ့ကြော်ပြီး ဖြစ်စေ စားသုံးပါက ကိုယ်အလေးချိန်တက်ခြင်း၊ ဆီးချိုနဲ့ နှလုံးရောဂါ တို့ကိုတောင် ဖြစ်ပွားစေနိုင်ပါတယ်။ ဒါပေမဲ့လည်း အထက်ပါ အစားအစာများနဲ့ မရောစပ်ဘဲ စားပါက အာဟာရ ပြည့်ဝစေပြီး ကျန်းမာတဲ့ အစားအစာ ဖြစ်လာပါတယ်။ အလယ်အလတ် အရွယ်အစားရှိတဲ့ အာလူးဖုတ်တစ်လုံးမှာ ကယ်လိုရီ (၁၁၀) သာ ပါဝင်ပါတယ်။

၁။ အရိုးကျန်းမာရေး

          အာလူးတွေမှာ ပါဝင်တဲ့ သံဓာတ်၊ ကယ်လ်ဆီယမ်၊ Phosphorous ၊ Magnesiume နဲ့ zinc ဓာတ်များဟာ အရိုးတည်ဆောက်မှုနဲ့ ကြံ့ခိုင်မှုကို ထိန်းသိမ်းပေးပါတယ်။

၂။ သွေးဖိအား

          အာလူးမှာ ပါဝင်တဲ့ potassium၊ ကယ်လ်ဆီယမ်နဲ့ Magnesium ဓာတ်များက သွေးဖိအားကို လျှော့ချပေးနိုင်ပါတယ်။

၃။ နှလုံးကျန်းမာရေး

          အာလူးရဲ့ ဖိုက်ဘာဓာတ်၊ Potassium ဓာတ်၊ Vitamin-C နဲ့ B6  ပါဝင်မှု၊ ကိုလက်စထရော မပါဝင်မှုတို့ အားလုံးဟာ နှလုံးကျန်းမာရေးကို အထောက်အကူပြုပါတယ်။

၎။ ရောင်ရမ်းကိုက်ခဲခြင်း

          အာလူးမှာပါဝင်တဲ့ choline ဓာတ်က အိပ်စက်ခြင်း၊ ကြွက်သား လှုပ်ရှားမှု၊ သင်ယူခြင်းနဲ့ မှတ်ဉာဏ်တို့ကို ကူညီအားပြုပါတယ်။ ဒါ့အပြင် နာတာရှည် ရောင်ရမ်း ကိုက်ခဲခြင်းများကိုလည်း သက်သာ စေပါတယ်။

၅။ ကင်ဆာ

          အာလူးမှာ DNA ပြုပြင်ရေး လုပ်ငန်းစဉ်ကို ဆောင်ရွက်ပေးတဲ့ folate လို့ခေါ်တဲ့ ဓာတ်တစ်မျိုး ပါဝင်ပါတယ်။ ဒါ့ကြောင့် ကင်ဆာဆဲလ်များ ဖြစ်ပေါ်ခြင်းကို ကာကွယ်ပေးနိုင်တာ ဖြစ်ပါတယ်။

၆။ အစာချေဖျက်ခြင်း

          ဖိုက်ဘာဓာတ် ပါဝင်တာကြောင့် အာလူးများဟာ ၀မ်းချုပ်ခြင်းကို ကာကွယ်ပြီး အစာချေဖျက်ခြင်း လုပ်ငန်းစဉ်ကို မှန်ကန်စေပါတယ်။

၇။ ကိုယ်အလေးချိန် ထိန်းခြင်း

          အထက်မှာ ပြောခဲ့သလိုပဲ အာလူးရဲ့ ဖိုက်ဘာဓာတ်တွေဟာ အစာချေဖျက်ခြင်းကို မှန်ကန်စေလို့ ကိုယ်အလေးချိန်ကို ထိန်းပေးနိုင်ပါတယ်။ ဒါ့အပြင် အာလူးဟာ ဗိုက်ပြည့်စေလို့ အစာစားချင်စိတ်ကို လျော့ကျစေပါတယ်။

၈။ အသားအရေ

          ကိုလဂျင် (Collagen) က အရေပြားကိုများစွာ အထောက်အကူပြုပါတယ်။ အာလူးမှာ ပါဝင်တဲ့ ကယ်လ်ဆီယမ်က ကိုလဂျင်ကို တစ်ဖန် ထောက်ပံ့ပေးပါတယ်။ ဒါ့ကြောင့် အာလူးစားရင် နေလောင်ခြင်း၊ အသားအရေတွန့်ခြင်း စသည်တို့ကို တားဆီးပေးတာ ဖြစ်ပါတယ်။

သတိပြုရန်

          - အာလူးကြော်နဲ့ အာလူး ချောင်းကြော်တွေ ကတော့ ကျန်းမာရေးနဲ့ မညီညွတ်ပါ။

          - ပုပ်နေသော အာလူးများ၊ အညှောင့်ထွက်နေသော အာလူးများ၊ အစိမ်းရောင် သမ်းနေသော အာလူးများကို လုံးဝ မစားသုံးသင့်ပါ။

          - အာလူးများကို မှောင်မည်း ခြောက်သွေ့သော နေရာများတွင်သာ သိုလှောင် သိမ်းဆည်းပါ။ ရေခဲ သေတ္တာများတွင် ထည့်ထားခြင်း၊ နေရောင်ရသော နေရာများတွင် ထားရှိခြင်းကို ရှောင်ပါ။

          - အာလူးကို အပူချိန်(၁၂၀) ဒီဂရီ စင်တီဂရိတ်နှင့် အထက် အပူပေးပြီး ချက်ပြုတ် စားသုံးပါက acrylamide လို့ခေါ်တဲ့ ဓာတ်တစ်မျိုး ထွက်လာတတ်ပါတယ်။ ၎င်းဓာတ်ကို ပလတ်စတစ်၊ ကော်၊ ဆိုးဆေးနဲ့ စီးကရက်ငွေ့များမှာ တွေ့ရပြီး ကင်ဆာရောဂါ အမျိုးမျိုးကို ဖြစ်ပွားစေနိုင်ပါတယ်။ အာလူးကြော်များမှာ ၎င်းဓာတ် ပါဝင်နေတာကြောင့် ရှောင်နိုင်ရင် အကောင်းဆုံးပါပဲ။

Ref:www.medicalnewstoday.com

http://www.messengernewsjournal.com/News/Health/detail.php?id=51674 မှ ကူးယူထားပါသည်။

မြောက်ကိုရီးယားနိုင်ငံမှ ထွက်ပြေးလာသူ ဟွန်စောလီနှင့် တွေ့ဆုံခြင်း

‘‘မြောက်ကိုရီးယားပြည်ပြေးတစ်ယောက်ဖြစ်ရတဲ့ ဘ၀ဟာ တကယ့်ကို နာကျင်စရာကောင်းပါတယ်’’

On  

Wed, 2016-06-01 12:37

Issue No.

အတွဲ (၁၅)၊ အမှတ် (၁၂)

Keith Beaty/Getty Images

ဟွန်စောလီဟာ မြောက်ကို ရီးယားနိုင်ငံကနေ ယာလူမြစ်ကို ဖြတ်ပြီး တရုတ်နိုင်ငံထဲကို ၀င် ရောက်တဲ့အချိန်မှာ အသက် (၁၇)  နှစ်သမီးအရွယ်ပဲရှိပါသေးတယ်။  သူဟာ တရုတ်နိုင်ငံမှာ ၁၀ နှစ်လောက် တိတ်တဆိတ်နေထိုင်ခဲ့ ပြီးနောက်မှာ တောင်ကိုရီးယား နိုင်ငံကို ရောက်ရှိခဲ့ပါတယ်။ ဒါပေမဲ့ မွေးရပ်မြေမှာ ဒုက္ခရောက်နေတဲ့ မိသားစုကို တောင်ကိုရီးယားကို ခေါ်လာနိုင်ဖို့ ဟွန်စောလီတစ်ယောက် မြောက်ကိုရီးယားပြန်ခဲ့ပါတယ်။ ဟွန်စောလီဟာ The Girl With Seven Names လို့အမည်ရ တဲ့ စာအုပ်မှာ သူ့ဘ၀ဇာတ်ကြောင်းကို ရေးသားခဲ့ပါတယ်။ ၂၀၁၃ မှာ အမေရိကန်နိုင်ငံ ကယ်လီဖိုးနီးယားပြည်နယ်မှာ ပြုလုပ်ခဲ့ တဲ့ TEDTalk ဆွေးနွေးပွဲမှာလည်း သူ့ဘ၀ အတွေ့အကြုံ
တွေကို ထုတ်ပြောခဲ့ပါတယ်။

လီဟာ လက်ရှိမှာ တောင်ကိုရီးယားနိုင်ငံ ဆိုးလ်မြို့မှာ နေထိုင် နေပြီးတော့ ရုပ်ပိုင်းနဲ့ လိင်ပိုင်းဆိုင်ရာ အနိုင်ကျင့်ခံနေရတဲ့ မြောက်ကိုရီးယားပြည်ပြေး အမျိုးသမီးတွေနဲ့ ဒုက္ခသည်တွေကို အကူအညီပေးတဲ့ အင်န်ဂျီအိုအဖွဲ့ အစည်းတစ်ခုမှာ တက်ကြွလှုပ်ရှား နေပါတယ်။ စာရေးဆရာမ လီဟာတရုတ်နိုင်ငံမှာ ပိတ်မိနေတဲ့ မြောက်ကိုရီးယားတွေကို အကူအညီပေးမယ့် သူ့ရဲ့လက်ရှိစီမံကိန်း ကို အမေရိကန်တိုင်းမ် မဂ္ဂဇင်းနဲ့ အင်တာဗျူးမှာ အခုလိုပဲ ထုတ်ပြောခဲ့ပါတယ်။

ခင်ဗျားရဲ့ အတွေ့အကြုံတွေကို တရုတ်စာပေပွဲတော် တစ်ခုမှာ ပြောပြဖို့ သိပ်မကြာသေးခင်က တရုတ်နိုင်ငံကို ပြန်သွားခဲ့တယ်ဆို။ ခင်ဗျားရဲ့ လုံခြုံရေးအတွက် မစိုးရိမ်ဘူးလား။

ကျွန်မ ဘေဂျင်းမြို့ကို သွားမယ်ဆိုတော့ သတိပေးချက်တွေ အများကြီးရခဲ့ပါတယ်။ ကျွန်မဟာ တရုတ်နိုင်ငံကို ပြန်ပြီး လူရှေ့ထွက်ပြီး စကားပြောမယ့် ပထမဆုံး မြောက်ကိုရီးယားပြည်ပြေး ဖြစ်ခဲ့ပါတယ်။ အဲဒါဟာ တကယ့်ကို အန္တရာယ် များပါတယ်။ တရုတ် အစိုးရက ကျွန်မကို တောင်ကိုရီးယားနိုင်ငံသား အဖြစ် အသိအမှတ် မပြုပါဘူး။ သူတို့က ကျွန်မကို မြောက်ကိုရီးယား ပြည်ပြေး တစ်ယောက်အဖြစ် သတ်မှတ်ထားဆဲပါ။ ကျွန်မကို ဖမ်းပြီး
မြောက်ကိုရီးယားကို ပြန်ပို့နိုင်ပါတယ်။

တောင်ကိုရီးယားအမျိုးသား ထောက်လှမ်းရေးအဖွဲ့ကလည်း ကျွန်မကို တရုတ်နိုင်ငံကို မသွားဖို့ ဖျောင်းဖျကြပါတယ်။ ကျွန်မ ဘေးအန္တရာယ်ကင်းမှုကို အာမမခံနိုင်ဘူးလို့လည်း ပြောပါတယ်။ ကျွန်မအနေနဲ့ တရုတ်ကိုသွားဖို့ အရေးဆုံးဖြတ်ချက်ချတာဟာ ခြောက်လလောက် ကြာခဲ့ပါ တယ်။ ကျွန်မကမ္ဘာ့အနှံ့သွားပြီး စကားတွေ အများကြီးပြောခဲ့ပြီးပြီ။ ဒါပေမဲ့တရုတ်နိုင်ငံဟာ ကျွန်မ တကယ်ကို သွားရမယ့်နေရာလို့ ကျွန်မယူဆ ခဲ့ပါတယ်။ ကျွန်မ တရုတ်ကို ရောက်ခဲ့တယ်။ ကျွန်မ အန္တရာယ်ကင်းမယ်လို့ မျှော်လင့်ခဲ့တယ်။ ကျွန်မတောင်ကိုရီးယား ပြန်နိုင်ပြီး မိသားစုနဲ့ ပြန်တွေ့နိုင် တယ်လို့ မထင်တော့တဲ့အခါမှာ ဘေဂျင်းလေဆိပ် သန့်စင်ခန်းထဲ ပုန်းနေတာကို အဆုံးသတ် လိုက်ပါတယ်။

ခင်ဗျားတရုတ်နိုင်ငံမှာ ၁၀ နှစ် လောက် တိတ်တဆိတ်နေခဲ့တယ်။ ခင်ဗျားက ဘယ်နိုင်ငံကလူဆိုတာ ကို ဘယ်သူမှ မသိခဲ့ဘူးလား။

ကျွန်မနယ်စပ်မှာ နေတုန်းက တရုတ်တစ်ယောက်က ရဲကို သတင်းပေးလိုက်တယ်။ တရုတ်မှာ လတိုင်း မြောက်ကိုရီးယားပြည်ပြေးတွေ ရှင်းလင်းရေးဆိုပြီး ရှိပါတယ်။ အဲဒါကြောင့် ကျွန်မမိတ်ဆွေလည်း မြောက်ကိုရီးယားကို
ပြန်ပို့ခံခဲ့ရတယ်။ ကျွန်မကိုလည်း တရုတ်ရဲတွေ လာစစ်ပါတယ်။ ကျွန်မရဲ့ တရုတ်စကားပြောက ကောင်းနေတော့ ကျွန်မကို မြောက်ကိုရီးယား ပြည်ပြေးလို့ မယုံကြပါဘူး။ မြောက်ကိုရီးယားပြည်ပြေးတွေ စုနေတဲ့ နေရာကနေ
ဝေးဝေး နေချင်လို့ ကျွန်မရှန်ဟိုင်းမြို့ကို ပြောင်းသွားခဲ့ပါတယ်။ ကျွန်မ တရုတ်သက်သေခံ ကတ်ပြားတစ်ခု ၀ယ်ခဲ့တယ်။ ကိုယ့်ကိုယ်ကိုယ် တကယ့်တရုတ်မပုံစံ ပြောင်းလိုက်တယ်။ ကျွန်မဘယ်သူ့ကိုမှ မယုံပါဘူး။ ဘာလို့လဲ ဆိုတော့ သူတို့တွေက တစ်ချိန်ချိန်မှာ ရန်သူဖြစ်ပြီး ကျွန်မအကြောင်း သတင်းသွားပေးနိုင်လို့ပါ။ နှစ်အတော်ကြာအောင် ကျွန်မရဲ့ အခန်းဖော်ဖြစ်ခဲ့တဲ့ မိန်းကလေးက ၂၀၁၃ မှာ ကျွန်မပြောတဲ့ TEDTalk အစီအစဉ်ကို ကြည့်ပြီးတော့ ရှန်ဟိုင်းကနေ ကျွန်မဆီ ဖုန်းလှမ်းဆက်ခဲ့ပါတယ်။ သူက ကျွန်မကို မြောက်ကိုရီးယားပြည်ပြေးမှန်း မသိခဲ့ဘူးလို့ ပြောပါတယ်။ ကျွန်မ တကယ် အားနာသွားခဲ့တယ်။ ဒါပေမဲ့သူက ပြောတယ်။ ကျွန်မအဲဒီလို
လုပ်ခဲ့တာကို နားလည်ပါတယ်တဲ့။ ကျွန်မရဲ့ သူငယ်ချင်းကို လှည့်စားခဲ့မိလို့ အရမ်း စိတ်မကောင်းဖြစ်နေဆဲပါ။  ဒါပေမဲ့ အဲဒါက ဘေးအန္တရာယ် ကနေ လွတ်ဖို့ ကြိုးစားရတဲ့ ဂိမ်းပဲလေ။

မြောက်ကိုရီးယားမှာ အယူသစ်တွေ ရိုက်သွင်းတာ ဘယ်လောက်ထိ ပြင်းထန်လဲဆိုတာကို ပြောပြပေးပါဦး။

၁၉၉၄ မှာ မြောက်ကိုရီးယား ခေါင်းဆောင် ကင်အီလ်ဆွန်း သေဆုံးခဲ့တယ်။ သူသေလိမ့်မယ်လို့ ကျွန်မမထင်ခဲ့ဘူး။ ဘာလို့လဲဆိုတော့ သူဟာ ဆေးလိပ်မသောက်၊ အရက်မသောက်၊ အိမ်သာမတက်၊ မိန်းမတွေနဲ့လည်း လိင်ဆက်ဆံမှု မရှိတဲ့ နတ်ဘုရားတစ်ပါးလို့ ကျွန်မတို့တွေ တကယ့်ကို ယုံကြည်ခဲ့ကြလို့ပါ။ လူတချို့က မြောက်ကိုရီးယားတွေကို ဝေဖန်ကြတယ်။ သူတို့တွေက ငတုံးတွေလားလို့ မေးကြတယ်။ အဲဒီလို အဓိပ္ပာယ်
မရှိတဲ့ဟာတွေကို ဘယ်လိုများ ယုံကြတာလဲလို့ မေးကြတယ်။ ရှင်တို့လည်း မြောက်ကိုရီးယားမှာ မွေးလာမယ်ဆိုရင် ကျွန်မတို့တွေနဲ့ တစ်ထပ်တည်း တူနေမှာပါ။ လွတ်လပ်မှုက ဘာလဲဆိုတာ ကျွန်မတို့ မသိခဲ့ဘူး။ လွတ်လပ်မှု အရသာကို ဘယ်တုန်းကမှ မခံစားခဲ့ရဘူး။ ဒီမိုကရေစီဝါဒ၊ အရှင်းရှင်ဝါဒ ဘာလဲ ဆိုတာကို မသိခဲ့ဘူး။ ကျွန်မတို့တွေ လုံးဝပိတ်ဆို့ခံထားရတယ်။ ပြင်ပလောက ကနေသာမက ပြည်တွင်းမှာလည်း ခရီးသွားလာဖို့ မလွယ်ပါဘူး။
မြောက်ကိုရီးယားအစိုးရရဲ့ ခရီးသွားထောက်ခံချက်မပါဘဲနဲ့ ပြည်တွင်းမှာတောင် ခရီးသွားလို့မရပါဘူး။ အစိုးရ၀ါဒဖြန့်တဲ့ ရုပ်သံလိုင်းတစ်ခုပဲ ကြည့်စရာရှိ တယ်။ ကျွန်မတို့မှာ နှိုင်းယှဉ်စရာ မရှိတော့ အဲဒါကိုပဲ နိဗ္ဗာန်ဘုံလို့ ယုံကြည်ခဲ့ပါတယ်။

ဒါနဲ့များ ဘာလို့ မြောက်ကိုရီးယား အတော်တော်များများက တရုတ် နိုင်ငံထဲကို ထွက်ပြေးကြတာလဲ။

တရုတ်ကို သွားတဲ့ လူအများစုဟာ ကျွန်မလိုပဲ နယ်စပ်ဒေသ ကလာတာတွေ ဖြစ်ပါတယ်။ တရုတ်က လူတွေဟာ ကျွန်မတို့ထက် ပိုပြီးကောင်းကောင်း နေရတယ်လို့ သူတို့တွေမြင်ကြတယ်။  ကျွန်မအရမ်းကိ ရိုးအခဲ့ပါတယ်။ ကျွန်မတရုတ်ကို ရောက်တဲ့အခါက ကျွန်မမှာ ပိုက်ဆံမရှိခဲ့ဘူး။ ကျွန်မလက်ထဲမှာ တရုတ်ဆွေမျိုး  တချို့ရဲ့ လိပ်စာလေးတစ်ခုပဲ ရှိခဲ့တယ်။ တရုတ်နိုင်ငံဟာ အရမ်းကြီးကြီးနေမယ်လို့ မသိခဲ့ဘူး။ ဆွေမျိုးတွေရဲ့ အိမ်ကို လွယ်လွယ်
ရှာတွေ့ပြီး တစ်ပတ်ကြာရင် အိမ်ပြန်မယ်လို့ပဲ ကျွန်မတွေးခဲ့တာ။ ဒါ ပေမဲ့ ကျွန်မသွားချင်တဲ့ ဆွေမျိုးတွေ အိမ်ကိုရောက်ဖို့ ၁၀ နာရီ လောက် ကားစီးရတယ်ဆိုတာကို နောက်မှ သိခဲ့တယ်။ တရုတ်ပြည် ကြီးကို ကျွန်မမျက်စိနဲ့ ကိုယ်တိုင် မြင်တွေ့ချင်ရုံလေးပါပဲ။ မြောက်ကိုရီးယားက ကမ္ဘာ့အကောင်းဆုံး နိုင်ငံလား၊ တရုတ်က အကောင်း ဆုံးလားဆိုတာကို ကျွန်မသိချင်ခဲ့တာပါ။ အစိုးရပြောခဲ့တဲ့အတိုင်း  တရုတ်ဟာ မြောက်ကိုရီးယားထက် အများကြီး ပိုဆိုးတယ်လို့ပဲ ကျွန်မသိပြီး ကြီးပြင်းလာခဲ့တာပါ။

လွတ်လပ်မှု ဆိုတာကို ခင်ဗျား ဘယ်လိုနားလည်ထားပါလဲ။

ကျွန်မအတွက် လွတ်လပ်မှုကို နားလည်ခြင်းနဲ့ ဒီမိုကရေစီဝါဒ ဆိုတာ တကယ့်ကို ခက်ခဲပါတယ်။ နေ့တိုင်း၊ မိနစ်တိုင်းမှာ လေ့လာ နေရဆဲပါပဲ။ ကျွန်မတရုတ်မှာ ရောက်နေတုန်းက ရုပ်ရှင်ကို ခိုးကြည့်စရာမလို၊ အသံကိုလည်း တိုးစရာ မလိုတာကို လွတ်လပ်မှုလို့ထင်ခဲ့တယ်။ တောင်ကိုရီးယား သီချင်းတွေကိုလည်း အကျယ်ကြီးနားထောင်နိုင်တယ်။ ကိုယ်သွားချင်တဲ့နေရာတွေ ကိုလည်း ကားလက်မှတ်၊ ရထားလက်မှတ်ဝယ်ပြီး သွားရုံပဲ။

စားလို့ရတဲ့ ရေခဲမုန့်ပမာဏ ကြောင့်လည်း အံ့သြမိသေးတယ်။ မြောက်ကိုရီးယားမှာတုန်းက ရေခဲမုန့်က တစ်မျိုးပဲရှိတယ်။ အရသာကလည်း ရေလိုပဲ။ ကျွန်မအတွက် ကောင်းကင်ပြာကြီးအောက်မှာ ကော်ဖီထိုင်သောက်ခွင့် ရတာဟာ တကယ့်လွတ်လပ်မှုပါ။ အဲဒါ ကျွန်မကို ပျော်စေတယ်။ ဒီကိစ္စသေး သေးလေးတွေအားလုံးဟာ တကယ့်ကို အဖိုးတန်တွေလို့ ကျွန်မ ခံစားရပါတယ်။

ခင်ဗျားမွေးရပ်မြေ မြောက်ကိုရီးယားကို လွမ်းမိလား။

မြောက်ကိုရီးယားဟာ အာဏာရှင်နိုင်ငံ မဟုတ်ပါဘူး။ နိုင်ငံသား ၂၅ သန်းရဲ့နိုင်ငံပါ။ သူတို့ တွေဟာ အာဏာရှင်ရဲ့ဖိနှိပ်မှုကို ခံစားနေရတာပါ။ မြောက်ကိုရီးယားတွေဟာ တကယ့်ကို ကောင်းမွန်ကြင်နာ ရိုးသားတဲ့ လူတွေပါ။ ကျွန်မ အာဏာရှင်နဲ့ အာဏာရှင် အစိုးရကို မုန်းတယ်။ ကျွန်မမွေးရပ်မြေနိုင်ငံကိုတော့ ချစ်ပါတယ်။ ကျွန်မ အဲဒီကို ပြန်သွားလို့မရတော့ဘူး ဆိုတာကို ကျွန်မသိတယ်။ မြောက်ကိုရီးယားနိုင်ငံဟာ အရမ်းကို မှောင်မိုက်နေ
တာတောင်မှ ကျွန်မရဲ့အိမ်ပဲဖြစ်ပါတယ်။ ညတိုင်း ကျွန်မရဲ့အိပ်မက်ထဲမှာ အဲဒီ ကို ပြန်သွားဖြစ်ပါတယ်။

မတ်လတုန်းက ကုလသမဂ္ဂက မြောက်ကိုရီးယား အပေါ် အရေးယူ ပိတ်ဆို့မှုတွေ ထပ်တိုးလိုက်တယ်။ ဒါဟာ မှန်ကန်တဲ့ လုပ်ရပ် ဖြစ်ပါသလား။

မြောက်ကိုရီးယားအပေါ် အ ရေးယူပိတ်ဆို့မှုတွေ ထပ်တိုးလိုက် တာကို ကျွန်မအရမ်းထောက်ခံတယ်။ ကုလသမဂ္ဂရဲ့ အပြင်းထန် ဆုံး အရေးယူပိတ်ဆို့မှုကို ချလိုက် တာပါ။ အစောကြီး ကတည်းက လုပ်သင့်တယ်လို့ ကျွန်မပြောပါတယ်။ နယူးယောက်မှာ ကုလသမဂ္ဂဆိုင်ရာ အမေရိကန်သံအမတ်ကြီး ဆမ်မန်သာပါဝါနဲ့ တွေ့တော့ ပြောခဲ့တာပါ။

အရေးယူပိတ်ဆို့မှုတွေဟာ မြောက်ကိုရီးယားနိုင်ငံသားတွေကို ထိခိုက်စေပြီး အထက်ပိုင်းလူ တွေကိုတော့ ဘာမှဖြစ်စေမှာ မဟုတ်ဘူးလို့ လူတွေက စိုးရိမ်ကြ ပါတယ်။ အဲဒါ လုံးဝမမှန်ပါဘူး။ အစိုးရဟာ သာမန်ပြည်သူတွေကို ဘာမှ မပေးပါဘူး။ ပြည်သူတွေ ဟာ ဈေးကွက်စနစ်နဲ့ ကိုယ့်ကိုယ် ကိုယ်ပဲ မှီခိုကြရတာပါ။ ဒါကြောင့် အရေးယူ ပိတ်ဆို့မှုတွေဟာ အစိုးရ နဲ့ အစိုးရအတွက် နိုင်ငံခြားဝင်ငွေ ရှာပေးနေတဲ့သူတွေအပေါ်ပဲ အကျိုးသက်ရောက်မှု
ရှိတာပါ။

ဒါပေမဲ့ မြောက်ကိုရီးယားအစိုးရနဲ့ စေ့စပ်ညှိနှိုင်းတာ ပိုကောင်းလိမ့်မယ်လို့ တိုက်တွန်းပြောကြားချက်တွေကိုကော ခင်ဗျားဘယ်လိုထင်ပါသလဲ။

စေ့စပ်ညှိနှိုင်းဖို့ ပြောနေတဲ့ လူတွေဟာ မြောက်ကိုရီးယားအစိုးရနဲ့ ကင်မိသားစုကို နားမလည်ကြပါဘူး။ မြောက်ကိုရီးယားအစိုးရနဲ့ ကင်မိသားစုဟာ ဆိုးယုတ်ပါးနပ် ကြပါတယ်။ ဒါကြောင့်လည်း စီးပွားရေးကို မဖွင့်ပေးတာပါ။ သူတို့ တွေနဲ့သာ သွားပြီး စေ့စပ်ညှိနှိုင်းရင် သူတို့တွေကို ပိုပြီးအားကောင်းအောင်၊ ပိုပြီး သက်တမ်းရှည်အောင် လုပ်ပေးရာ ရောက်နေပါလိမ့်မယ်။

ဘာလို့ အင်န်ဂျီအိုလုပ်ငန်း စလုပ် ဖြစ်တာလဲ။

ဒီအင်န်ဂျီအိုကို မြောက်ကိုရီးယားအမျိုးသမီးများအဖွဲ့လို့ အမည်ပေးထားပါတယ်။ ဒီအဖွဲ့ဟာ မြောက်ကိုရီးယား၊ တရုတ်၊ တောင်ကိုရီးယားနဲ့ ကမ္ဘာ့ဒေသအ သီးသီးမှာ နေထိုင်ကြတဲ့ မြောက်ကိုရီးယားအမျိုးသမီးတွေ အတွက်
ဖြစ်ပါတယ်။ မြောက်ကိုရီးယား ပြည်ပြေးတစ်ယောက်ဖြစ်ရတဲ့ ဘဝဟာ တကယ့်ကို နာကျင်စရာ ကောင်းပါတယ်။ အမျိုးသမီးတွေဟာ လူကုန်ကူးသူတွေ၊ တရုတ် အမျိုးသားတွေဆီကို လိင်ကျေးကျွန်အနေနဲ့ ရောင်းချခံနေရပါ တယ်။ သူတို့တွေဟာ ဘာအခကြေးငွေမှ မရဘဲ နှိပ်စက်ခံနေရတယ်။ ဒုက္ခခံနေရတယ်။ တရုတ် လယ်သမားအိုကြီးဆီကို လိင် ကျေးကျွန်အဖြစ် ရောင်းချခံရတဲ့ မြောက်ကိုရီးယား အမျိုးသမီးတစ်ယောက်အနေနဲ့
မြောက်ကိုရီးယားကို ပြန်ပို့ခံရတာ ပိုပြီး သဘောကျပါတယ်။ မြောက်ကိုရီးယားမှာ နေရတာလည်း နောက်ထပ် ငရဲတစ်ခုပါပဲ။ ကျွန်မရဲ့ရေရှည်ရည်မှန်းချက်က တရုတ် လူ့အသိုင်းအဝိုင်းမှာ မြောက်ကိုရီးယားတွေ ဘေးကင်းစွာ
နေနိုင်သွားအောင် ကူညီဖို့ပဲ ဖြစ်ပါတယ်။

မြောက်ကိုရီးယား ပြည်ပြေး အတော်များများဟာ တောင်ကိုရီးယားမှာ ကျင့်သားရဖို့ ဘာကြောင့် ကြိုးစားရုန်းကန်နေရတာလဲ။

ဒါဟာ တကယ့်ကို ဝမ်းနည်းစရာပါ။ ပြည်ပြေးတွေမှာ ကိုယ့်ကိုယ်ကိုယ်သတ်သေတာနဲ့ မြောက်ကိုရီးယားကို ပြန်တာအထိ ပြဿနာ အများအပြား ရှိကြပါတယ်။ တောင်ကိုရီးယား သက်တူ ရွယ်တူတွေကို ယှဉ်နိုင်ဖို့ အရမ်း ခက်ခဲ ပါတယ်။ သူတို့တွေဟာ ပညာကောင်းကောင်း သင်ထားရတယ်။ ဘဝတစ်လျှောက်လုံး ဒီမိုကရေစီနည်းလမ်းနဲ့ ကြီးပြင်းခဲ့ရတယ်။ ဒါပေမဲ့ ပြည်ပြေးတွေကတော့ လုံးဝကွဲပြားတဲ့ စနစ်တစ်ခုကနေ လာခဲ့တာပါ။ ငရဲကနေ နိဗ္ဗာန်ကို သွားရသလိုပေါ့။

တောင်ကိုရီးယား လူ့အဖွဲ့အစည်းမှာလည်း မလိုမုန်းတီးမှုတွေ ရှိနေပါတယ်။ ကျွန်မတို့ဟာ နှစ် ပေါင်း ၇၀ လောက် ဝေးကွာနေရတဲ့ ညီအစ်ကို၊ မောင်နှမတွေလို့ မြင်ပေမယ့် တောင်ကိုရီးယားကို ကျွန်မတို့ရောက်တော့ ကျွန်မတို့ ဟာ လုံးဝအမေ့လျော့ခံ လူတွေဖြစ်နေပါပြီ။ ကျွန်မတို့ဟာ သူတို့တွေ အတွက် ဝန်ထုပ်ဝန်ပိုးတစ်ခုပါ။

အခြေအနေတွေ တိုးတက်နေပြီလား။

ကျွန်မ ၂၀၀၈ မှာ တောင်ကိုရီးယားကို စရောက်တော့ တိုင်းတစ်ပါးသားတစ်ယောက်လို ဆက်ဆံခံရပါတယ်။ ကျွန်မနဲ့ တခြား ပြည်ပြေးတွေလည်း လူရှေ့ထွက်ပြီး ကိုယ့်ဘဝဇာတ်ကြောင်းထုတ်ပြောဖို့ ဆန္ဒရှိနေပါတယ်။
တောင်ကိုရီးယားသားတချို့ဟာ ကျွန်မတို့နဲ့အတူ လိုက်ငိုကြတယ်။ ကျွန်မတို့ သူတို့နိုင်ငံကို လာတယ်ဆိုတာ အားလပ်ရက်ခရီးထွက်လာခဲ့တာ မဟုတ်ဘူးဆိုတာ သူတို့နားလည်သွားကြလို့ပါ။ ပြီးတော့ သူတို့မှာ စာနာ
ထောက်ထားမှုရှိလို့ပါ။ တောင်ကိုရီးယားမှာ ရှိတဲ့ မြောက်ကိုရီးယား ကျောင်းသားတွေကို ပညာသင်ဆုနဲ့ ပညာသင်စရိတ် ထောက်ပံ့ပေးတဲ့လူတွေ ရှိနေပါ ပြီ။ ဒါဟာ အပြုသဘောဆောင်တဲ့ ပြောင်းလဲမှုလည်း ဖြစ်ပါတယ်။

တောင်ကိုရီးယားတွေဟာ မြောက်ကိုရီးယားတွေ ဘာဖြစ်နေတယ်ဆိုတာကို အခြေခံအားဖြင့် သိလိမ့်မယ်လို့ ကျွန်မထင်ခဲ့မိတာ။တကယ်တော့ သူတို့မသိကြပါ ဘူး။ ကျွန်မတို့တွေဟာ အတူတူပဲ ဆိုတာကို လူတွေနားလည်ဖို့ လိုအပ်တယ်။ ကိုရီးယားနှစ်နိုင်ငံ ပြန်ပေါင်းစည်းရေးကို လူတွေပိုသိလာအောင် လုပ်ဖို့လည်း လိုအပ်ပါတယ်။

ကိုရီးယားကျွန်းဆွယ် ပြန်ပေါင်းစည်းဖြစ်မလား။

တောင်ကိုရီးယား တော်တော်များများက ပေါင်းစည်းရေးကို မလိုလားလို့ ကျွန်မဝမ်းနည်းရပါတယ်။ သူတို့က လုံးဝ ကွဲထွက်သွားတာမျိုးပဲ ဖြစ်ချင်ကြပါတယ်။ လူကြီးတွေက မြောက်ကိုရီးယားနဲ့ တစ်နည်းနည်းနဲ့ ဆက်စပ်နေ တယ်လို့ ခံစားပြီး ပေါင်းစည်းရေးကို လိုလားတာပါ။ သူတို့သေဆုံး ပြီးနောက်မှာ နောက်လူငယ်တွေ ဟာ ကိုရီးယားစစ်ပွဲဖြစ်ခဲ့တဲ့ အချိန်ကိုတောင် မသိတော့ပါဘူး။ လူငယ်တွေ အတွက်ကတော့ ရှေးသမိုင်းတစ်ခု ဖြစ်သွား ပါတယ်။

ကျွန်မတို့အနေနဲ့ နှစ်ပေါင်း ၂၀ အတွင်း ပေါင်းစည်းရေးမရဘူး ဆိုရင် လုံးဝမတူကွဲပြားတဲ့ နိုင်ငံ နှစ်နိုင်ငံဖြစ်သွားပါလိမ့်မယ်။ ဒါ ကြောင့် ကျွန်မကြောက်နေတယ်။ ဒါပေမဲ့ ဘယ်သူသိမှာလဲ။ ပေါင်းစည်းရေးဆိုတာ အဝေးကြီးလို့ ထင်ရပေမယ့် နီးနီးလေးလည်း ဖြစ်နိုင်တာပဲလေ။

—Ref:Freedom, Sanctions and North Korean Ice Cream: Q & A With Defector Hyeonseo Lee

(TIME Interview)

http://www.7daydaily.com/story/66430  မှ ကူးယူဖေါ်ပြထားပါသည်။