Menu

Drop Down MenusCSS Drop Down MenuPure CSS Dropdown Menu

Monday, 9 May 2016

 ★ ★ ဘယ်လို … ဘယ်လို …. ပြန်ပြောစမ်းပါဦး သခင်မ နားကြားများလွဲလေသလားကွယ်

>>> ဟုတ်ပါတယ် သခင်မ … သခင်မကို အမျိုးသမီးတစ်ယောက်က တွေ့ခွင့်တောင်းနေပါတယ် ….

★ ★ မဖြစ်နိုင်တာကွယ် … သခင်မဘ၀မှာ အမျိုးသမီးကတွေ့ခွင့်တောင်းတယ်ဆိုတာ မဖြစ်နိင်တာပဲ … သူက ဘယ်သူလဲ … ဘာကိစ္စတဲ့တုန်း …
တစ်လကြိုတင် ချိတ်ဆက်ထားခြင်း မရှိရင်သခင်မ ဘယ်သူ့မှ မတွေ့တာ သူမသိ ဘူးလား …။

>>> သိပ်ကျက်သရေရှိတဲ့ အမျိုးသမီးတစ်ယောက်ပါသခင်မ … ကိုယ်ရေးကိုယ်တာကိစ္စကြောင့် သခင်မကိုပဲတွေ့ပါရစေ … သခင်မနဲ့ နှစ်ကိုယ်ကြားပြောပါရစေ တဲ့ ….

★ ★ ဘုရားဘုရား … ဟုတ်ရဲ့လားကွယ် … ကဲကဲ … ထားပါတော့ သူ့ကိုဖျော်ရည်နဲ့ ဧည့်ခံ ထားလိုက်ပါကွယ် … သခင်မလာခဲ့မယ် ခဏစောင့်ဖို့ ပြောထားလိုက်နော် ….

> ★ < အင်း …. ကျမလိုပြည့်တန်ဆာတစ်ယောက်ကို …. အမျိုးသမီးတစ်ယောက်က … တွေ့ခွင့် တောင်းတယ် ဆိုပါလား ထူးဆန်လိုက်တာ ….

ကိုယ်ကို မှန်ရှေ့မှာ တစ်ချက် လှည့်ပတ်ကြည့်လိုက်တယ် …. ပြီးတော့ အပေါ်ရုံလေးကို အသာအယာ ခြုံပြီး …. ဧည့်ခန်းမဆီကိုထွက်လာခဲ့တယ် …။

အိုး … မျက်နှာလေးက ကျက်သရေရှိသလို အေးချမ်းလှပါလား ….

ဧည့်ခန်း စန္ဒကူးညောင်စောင်းမှာ ထိုင်နေတဲ့ ကျမလောက်မလှပေမယ့် အပြစ်ကင်းစင်တဲ့ မျက်နှာလေးနဲ့ ကျက်သရေရှိနေတဲ့ ကျမနဲ့သက်တူရွယ်တူလောက်ရှိမယ့် မိန်းကလေးတစ်ယောက် … ကျမဧည့်ခန်း အပြင်အဆင်ခမ်းနားပုံကို … စိတ်ဝင်တစားကြည့်ရင်း ကျမကို စောင့်နေတာ တွေ့လိုက်ရတယ် ….

★ ★ ကျမ သီရိမာ ပါ ….

သူကျမကို မော့ကြည့်ပြီး … ပါးစပ်အဟောင်းသားနဲ့ခဏငေးမောသွားတယ် … ပြီးမှ သတိ ၀င်လာပြီး ….

★ ဒီလောက် လှပကျော့ရှင်းပြီး ကျက်သရေရှိလှတာ …. သီရိမာပဲဖြစ်မှာပေါ့ … နိုင်ငံတော်ရဲ့ အချောဆုံး အလှဆုံး ကျက်သရေအရှိဆုံးဘွဲ့ကို ခံယူထားတာပဲ … ကျမတောင် ငေးမိသွားရတယ် …. ကျမက ဥတ္တရာပါ …. သုမန သူဋ္ဌေကြီးရဲ့ ချွေးမပါရှင် …

★ ★ သြော် … နန္ဒသူဋ္ဌေးလေးရဲ့ ကြင်ယာကိုး …. နာမည်ကို ကြားဖူးတာကြာပါပကော ရှင် … သိပ်တော်ပြီး ခင်ပွန်းကိုသိပ်ဂရုစိုက်တဲ့ …. မိန်းမမြတ်လေးတဲ့ … ကျမယုံသွားပြီ …

ဒီမယ် … ကျမပြောပြပါဦးမယ် …. ဒီနိုင်ငံရဲ့မင်းမျိုးမင်းနွယ် သူဋ္ဌေးသူကြွယ်တွေထဲမှာ … ကျမဆီကို ရောက်မလာတဲ့ တစ်ဦးတည်းသောသူကိုပြပါဆိုရင်လေ …. ရှင့်ရဲ့နူးညံ့သိမ်မွေ့တဲ့ … ပြုစုမမှုအောက်က ရှင့်ခင်ပွန်းပဲရှင် သိရဲ့လား …။

★ အင်း …. သူ သီရိမာနဲ့ မတွေ့ဖူးတာကြောင့် သီရိမာဆီမလာတာကြောင့် ကျမမှာ … အခက်တွေတွေ့ပြီးနောက်ဆုံး … ကျမကပဲ သီရိမာ ဆီလာပြီး သီရိမာကလာပေးဖို့ အကူအညီတောင်းရတော့တာပေါ့ရှင် …. ။

★ ★ ဟင် … ဘယ်လို … ကျမဒီနေ့ဘာဖြစ်တယ်မသိဘူးရှင် … ထူးဆန်းတာတွေနဲ့ပဲ ကြုံတွေ့ နေရတယ် … တခုခုမှားနေသလားပဲ … ကျမအထင် … အမက ကျမကို ရှင့်ခင်ပွန်းနဲ့ တွေ့စေချင်သလားပဲ …. ဟုတ်လား ….

ကျမသိတာက ဂုဏ်သရေရှိအမျိုးသမီးတွေက … သူတို့ ခင်ပွန်းတွေကို … ကျမဆီခြေဦးလှည့်မှာသိပ်ကြောက်ကြတယ်လေ …။

★ ပြောရမှာတော့အားနာပါတယ် သီရိမာ …. ကျမဖခင် သုမနသူဋ္ဌေးနဲ့ ကျမခင်ပွန်းဟာ … ဗုဒ္ဓရဲ့တရားတော်ကို … သက်ဝင်ယုံကြည်မှုမရှိကြသေးဖူးလေ … ဗုဒ္ဓရဲ့ အဆုံးအမကို လက်မခံသေးဘူး … ကျမကတော့ ကျမ မိဘတွေလို ဒါန သီလ ဘာဝနာကို အားကိုးပြုပြီးနေတယ် … ဒါပေမယ့် ရှင်သိလား သီရိမာ … ကျမလေ သူနဲ့အကြောင်းပါပြီးကတည်းကစလို့ … ကျမ ကိုလေ ဥပုသ်လေးတောင်စောင့်ခွင့်မပေးပဲ …နေ့စဉ်သူ့ကိုပဲ ပြုစုစေတယ် …

★ ★ ခစ်ခစ် … အမခင်ပွန်းက အမကို သိပ်ချစ်တာပေါ့ ….

★ ဒါချစ်တာလို့ခေါ်လား သီရိမာ …. ပျိုမျစ်မှုတွေကုန်သွားချိန်ရော …. အဆင်းလှတုန်း … အရွယ်နုပျိုတုန်း ကျန်းမာသန်စွမ်းတုန်းတော့ … ချစ်တာပေါ့ …

★ ★ အို … အမ ဥတ္တရာ … ကျမအမေလဲဒီလိုပဲ သိလား … ဘုရင်မင်းမြတ်ကအစ တစ်နိုင်ငံလုံး အနမ်းခံရတဲ့ ပန်းကလေး … ဟော ... သူလဲအိုမင်းရော … ဘယ်သူမှ အရေးမလုပ်တော့ဘူး ….

ခုလဲကြည့်လေ .. ကျမမပါရင် … ဘုရင်မင်းကြီး ဘာပွဲမှလုပ်လို့မရဘူး …. ဘယ်သံတမန် ဧည့်သည်မှ တွေ့လိုမရဘူး … ကျမအားတဲ့ရက်ကို သူညှိပြီးစီစဉ်ရတာ …. ပြောပြစမ်းပါ အမဥတ္တရာ … ကျမရဲ့ ပျိုမျစ်ခြင်းကဘယ်လောက်ထိခံမလဲ … နောက် ငါးနှစ်လား … နောက်ဆယ်နှစ်လား ….

သူမက ကျမတို ညီမငယ်လေး တစ်ယောက် လို မြတ်နိုးစွာ ပြုံးကြည့်နေတယ် ….

★ ★ ကျမဘယ်လိုကူညီရမလဲ … ပြောလေ

★ ဆယ့်ငါးရက်တိတိ ကျမအိမ်မှာလာနေပြီး ကျမခင်ပွန်းကို … ခင်ပွန်းတစ်ယောက်လို ပြုစုပေးပါညီမရယ် … ဗုဒ္ဓနဲ့ သံဃာတော်တွေကို … ကျမ ဆွမ်းဖိတ်လုပ်ကျွေးချင်တယ် … သီလဆောက်တည်ချင်တယ် … ဆယ့်ငါးရက်ထဲပါ …. ကျသင့်ငွေကို ခုထဲကပေးခဲ့ပါ့မယ် ညီမရယ် ….

★ ★ ဆယ့်ငါးရက်တောင် … များလှပါလား … ပြီးတော့ အမခင်ပွန်းက ကျမပြုစုလုပ်ကျွေးတာ နှစ်သက်မယ်လို့ အမထင်လားဟင် ….

★ ငါ့ညီမလောက်လှတာ … ရာဇဂြိုဟ်မှာ ရှိလို့လား ညီမလေးရယ် …. ပျိုမျစ်မှုနဲ့ … အလှအပကို ကိုးကွယ်တဲ့ ယောက်ျားတစ်ယောက်က … လောကမှာ အလှဆုံးလို့ ပြောလို့ရတဲ့ ညီမကို မနှစ်သက်ဘူးဆိုရင် .. ကျိန်းသေပြီ … သူဟာယောဂီပဲ … အမခင်ပွန်းအကြောင်း အမသိပါတယ်ညီမငယ် … သူမင်းနဲ့တွေ့တာနောက်ကျတယ်တောင်ထင်မှာ … ။

★ ★ တစ်ကယ်ဆို ကျမ ဒါမျိုး ရက်ရှည် ပြုစုရတာလက်မခံချင်ဘူး … အားလုံးကို နေ့ပိုင်း နာရီပိုင်း လောက်ပဲပြုစုရတာ .. ဒါပေမယ့် …ခင်ပွန်းအတွက် … ဇနီးကိုယ်တိုင် လာတယ် ဆိုတော့ ကျမလက်ခံလိုက်ပါ့မယ် … ပြီးတော့ဗုဒ္ဓအတွက် ဆိုတဲ့စကားကိုကြားရတော့ ကျမတို့အနွယ် ရဟန္တာမကြီး အမ္ဗပါလီကို မြင်မိလို့ပါ ….။

★ ၀မ်းသာလိုက်တာ ညီမငယ် … သာဓု သာဓု သာဓုပါ … ဒါဆို အမ မနက်ဖြန် ရထား လွှတ်လိုက်ပါ့မယ် ….

★ ★ အို … ကိစ္စမရှိပါဘူးအမ … ကျမရထားနဲ့ပဲလာခဲ့ပါ့မယ် ….

အခန်း ( ၂ )

> ★< ကျမရဲ့ မြင်းဖြူ လေးကောင် က တဲ့ ရထားလုံး နန္ဒသူဌေးလေးရဲ့ အိမ်ရှေ့ရောက်တယ်ဆိုရင်ပဲ … ကျမနဲ့ အတူပါလာတဲ့အလုပ်သမားတွေက .. ကျမကို တံခါးဖွင့်ပေးချိန်မှာ … ဥတ္တရာက အိမ်ထဲက ပြုံးရွှင်စွာပြေးထွက်လာပြီး …. ရထားပေါ်ကဆင်းမယ့်ကျမကို သူ့လက်နှစ်ဖက်နဲ့ ဆီးကြို ဖေးမပါတယ် … အသင့်စောင့်နေတဲ့သူ့အခြွေရံတွေက … ကျမ သေတ္တာတွေကို သယ်သွားကြပါတယ် ….

သူကျမလက်ကို ဆွဲပြီး ခမ်းနားလှတဲ့ ဂေဟာကြီးအပေါ်တက်လာခဲ့တယ် …. လှေခါးထိပ် နှစ်ဖက်မှာ မိန်းမပျိုနှစ်ယောက်စီက ကျမတို့ကိုအရိုအသေပေးကြတယ် …

★ ညည်းတို့အရှင် … အခန်းတွင်းမှာလား …

>>> ဟုတ်ကဲ့ပါသခင်မ … ဧည့်သည်အတွက် သခင့်အခန်းနဲ့ ကပ်လျက်အခန်းမှာ ပြင်ထားပါတယ် …. ။

★ အေး အေး မင်းတို့လွတ်လပ်စွာနေကြတော့ ….

သူ ကျမကိုလက်ဆွဲခေါ်လာပြီး … ကျမအတွက်ပြင်ထားတဲ့အခန်း လို့ထင်ရတဲ့အခန်းရှေ့မှာ .. ရပ်ပြီး …

★ ခဏတစ်ဖြုတ်နားဦးနော်ညီမလေး …. ခဏနေ သူဋ္ဌေးမင်းနဲ့တွေ့ဖို့ အမလာခေါ်မယ်…။


★ ဒေါက် ဒေါက် … ညီမရေ ..သူဌေးမင်းနဲ့တွေ့ရအောင် …

> ★ < သူ့နောက်ကနေ … ခပ်ယို့ယို့လိုက်သွားလိုက်တယ် …. ကျမရဲ့ကပ်လျက်အခန်းထဲမှာ .. သူဋ္ဌေလေးကို .. သလွန်ညောင်စောင်းပေါ် ထိုင်နေတာတွေ့ရတယ် …

သူ … သေရည်ကို ရွှေခွက်နဲ့သောက်နေတုန်းအချိန် … ခန့်ညားမွန်ရည်တယ် … အပူအပင် အကြောင့်အကျ … စိတ်သောကကို … သူ့စိတ်ထဲအရောက်မခံပုံပဲ …

ဥပတိရုပ်ကောင်းသလို … ဥတ္တရာပြောသလိုပဲ … ကာမသုခလ္လိကာနုယောဂ … ကျင့်သုံးအားသန်ပုံပဲဆိုတာ အကဲခတ်လို့ရတယ် … ဘယ်လိုပဲဆိုဆို … သဘောထားဖြောင့်စင်းပြီး နှစ်လိုဖွယ်အဆင်း ရှိသူလို့ သတ်မှတ်ရမှာပါ…။

★ သီရိမာ …. ရောက်လာပါပြီ … အရှင့်သား ….

> ★ < သူ ကျမကို လှမ်းကြည့်လိုက်တယ် …ကျမလဲသူ့ကို စိုက်ကြည့်လိုက်တဲ့အချိန်မှာ … ကျိန်းသေပြီ … သူ့အကြည့်ကို ကျမရဲ့ရူပါရုံက သံလိုက်လိုဆွဲဆောင်သွားပြီ… မခွာတော့ဘူး … သူ ဥတ္တရာရှိနေတာ မသိတော့ဘူး …

★ ကဲ … သီရိမာ … ကိုယ့်အိမ် … ကိုယ့်ခင်ပွန်းလိုသဘောထား … ပျော်ပျော်နေနော် … အိမ်စေအမှုလုပ်များကလဲ ရှင့်ကို .. ကျမနဲ့မခြား … ခစား၊ ရိုသေကြပါလိမ့်မယ် ….

> ★ < ကိုယ့်ခင်ပွန်းလိုသဘောထား … ဒီစကားက ကျမကို ပီတိဖြစ်စေတယ် …

ကျမ ဥတ္တရာကို ခေါင်းညိမ့်ပြလိုက်တယ် … နန္ဒကတော့ ကျမကိုခြေဆုံးခေါင်းဆုံးကြည့်နေရာက မခွာနိုင်သေးဘူး …။

ဥတ္တရာထွက်သွားပါတယ် … သူကျမကိုကြည့်နေတုန်း …. ကျမသူ့နားတိုးသွားလိုက် တယ် …

★ ★ ဘာစကားမှမပြောတော့ဘူးလား … သီရိမာကိုအလိုမရှိဘူးလားဟင် …

★ ★ ★ အို…အို .. ဒီ..ဒီလို မဟုတ်ပါဘူး … ဗြုန်းကနဲဆိုတော့လေ … အံ့သြသွားလို့ပါ …

★ ★ ဘာလို့ …

★ ★ ★ နတ်သမီးတစ်ပါး ကျုပ်ရှေ့ရောက်လာတယ်လို့ … အိမ်မက်များမက်နေသလားလို့ပါ … လှလိုက်တဲ့ သီရိမာ၇ယ် … လှလိုက်တာ … ဒီနေ့ဒီရက်ထိ … သီရိမာကို … မတွေ့ခဲ့ရတာ … သွားမရှာခဲ့တာကိုတော့ .. ကိုယ့်ကိုကိုယ် … ခွင့်မလွှတ်နိုင်အောင်ပါပဲ ...။

> ★ < ကျမလဲ သူ့ကိုမြင်မြင်ချင်း စိတ်ဝင်စားမိတယ် … ဒီရက်တွေ သူ ကျမကို သူ့မျက်စိအောက်က အပျောက်မခံဘူး … နောက်ဆုံး အစားအသောက်ကိုတောင် သီရိမာ ..ပြင်ဆင်ပေးမှ … အ၀တ်အစားကအစ သီရိမာ ဆင်မှ … ကျမတို့ကမ္ဘာမှာ .. ဥတ္တရာ မရှိတော့ဘူး … ကျေးကျွန်တွေကလဲ ကျမကို … အိမ်ကြီးသခင် … သူဌေးကတော်ကြီးလို ..ရိုကျိုးခစားကြတယ် … ကျမထင်တယ် .. သူကျမကိုလက်လွှတ်မခံတော့ဘူး … ကျမလဲ အိမ်ထောင်ရှင်မိန်းမတစ်ယောက်လိုပဲ နေချင်လာတော့တယ် ….

ကျမတို့ … အချိန်တွေကိုမေ့နေကြတယ် …. သူက သူနဲ့ ကျမ စတွေ့တဲ့နေ့ကို သူနဲ့ကျမရဲ့မင်္ဂလာအထိမ်းအမှတ်နေ့လို့ သတ်မှတ်တယ် … သိပ်ပျော်နေခဲ့ကြတာ ..။

ဒီလိုနဲ့နန္ဒသူဋ္ဌေးရင်ခွင်မှာ ကျမနေနေခဲ့တာ နှစ်ပတ်ပြည့်ခဲ့ပြီ ….

အင်း သမဏေ ဏ … သမဏော … ဂေါဏေ ဏ... ဂေါဏော တဲ့ …

ကိလေသာတပ်မက်သူနှင့် … တရားကျင့်သူ …
နေ့စဉ် ဗုဒ္ဓဝေယျာဝစ္စနှင့် သီလမြဲသူ ဥတ္တရာနှင့် …. ကာမ ကို အလွန်အကြူးတပ်မက်သူ … နန္ဒ … စည်းဝါးမကိုက်နိုင်ပါဘူး ….

ကျမနဲ့နန္ဒကတော့ သံလိုက်နှင့်သံကဲ့သို့ …. သိပ်လိုက်ဖက်တယ် …. ပြီးတော့ ကျမတို့နှစ်ယောက် မခွဲနိုင်တော့ဘူး … ကျမစိတ်ကို ကျမသိနေပြီ … ကျမ သူ့ကိုမခွဲနိုင်ဘူး ….
မနက်ဖြန် ဆယ့်ငါးရက်ပြည့်မြောက်ပြီ …. လင်သားကင်းမဲ့သောအိမ်သို့ပြန်ရတော့မည် … ငါဒီအိမ်ကိုသိပ်စက်ဆုပ်တယ် ….

အကယ်၍ ဥတ္တရာသေပြီး … ငါသာ နန္ဒဇနီးဖြစ်ခဲ့သော် … ကျမဆက်၍မတွေးချင်တော့ … ကျမစိတ်ထဲမှာပြင်းပြနေတာ … ကျမသာနန္ဒရဲ့ဇနီးမယား … ဒီအိမ်ကြီးရဲ့သခင်မ …

နန္ဒသလွန်တက်ကထပြီး … ပြူတင်းပေါက်မှာ သွားရပ်နေတာ တွေ့ရတယ် … ကျမက နန္ဒ မှီဝဲတဲ့ ရသာယနဆေးအတွက် ထောပတ် ပိသာလောက်ကို ..ကြေးအိုးနဲ့ကျိုနေတယ် … ထောပတ်တွေပွက်ပွက်ဆူနေပြီ …

ကျမ နန္ဒကို တစ်ချက်လှမ်းကြည့်လိုက်တယ် … သူပြတင်းပေါက်ကနေ … အောက်ကိုငုံ့ကြည့်ပြီး …. ခေါင်းတညိမ့်ညိမ့်နဲ့ပြုံးပြီး အခန်းထဲပြန်လှည့်ဝင်လာတယ် …

ဟင် …သူဘာကြည့်တာလဲ … ဘာလို့ပြုံးတာလဲ … ကျမအပြေးအလွှား ပြတင်းနားကို သွားကြည့်လိုက်တယ် …

ချွေးသံတရွှဲရွှဲနဲ့ ဗုဒ္ဓနှင့်သံဃာတွေအတွက် ဆွမ်းချက်နေတဲ့ … ဥတ္တရာပါလား

တောက် … ဒီမိန်းမ …

ဟားးးး …. တရားကိုပဲနှစ်သက်တဲ့မိန်းမမှာ ဘာလို့ အဖိုးတန်လင်ယောက်ျားရှိရတာလဲ … ငါ့လို .. ပညာတတ် အရာရာပြည့်စုံပြီး လင်သားကို မကုန်ခမ်းနိုင်တဲ့ … သာယာမှုပေးတတ်သူမှာကျတော့ ဘာလို့လင်သားမရှိရတာလဲ …

ကျမ သူမကို စူးစူးရဲရဲ ကြည့်နေချိန်မှာ … သူမကလဲ အမှတ်တမဲ့ … မော့အကြည့် … ကျမကိုလဲတွေ့ရော … လှမ်းပြီး ပြုံးပြတယ် ….

ကြည်လင်သန့်ရှင်းတဲ့အပြုံး … ကျမဒေါသကိုဆွစေတဲ့အပြုံး … ငါ့လောက်မချောတဲ့မိန်းမမှာ … ဘာလို့ဒီလိုစွဲမက်ဖွယ်ဖြူစင်အပြစ်ကင်းတဲ့အပြုံး ရှိနေရတာလဲ ….

သင်းက .. ငါ့ကို ခုထိ အနိုင်ယူနေတုန်းပါလားးး …

ကျမဘာမှစဉ်းစားမနေတော့ဘူး … မီးဖိုပေါ်က ကျိုက်ကျိုက်ဆူနေတဲ့ ထောပတ်ဆီပူအိုးကို … သတိထား မ လာပြီး … ဥတ္တရာခေါင်းပေါ် လောင်းချလိုက်ပါတော့တယ် …

>>> အမလေး … ဘယ့်နှယ် လုပ်လိုက်တာတုန်း …

>>> သခင်မကို ကယ်ကြပါဦး …..

ဝိုင်းအော်ကြသောအသံနှင့်အတူ … ယောက်ျားမိန်းမများ တ၀ုန်းဝုန်း အပေါ်ထပ်သို့ပြေး တက်လာကြပြီး … ကျမကို ဆွဲထုတ်ရိုက်နှက်ကြပါတော့တယ် …

သူ့အခန်း ခဏပြန်သွားတဲ့နန္ဒလဲ ပြေးထွက်လာပြီး …

★ ★ ★ ဟဲ့ ဟဲ့ သီရိမာကို မင်းတို့ဘယ်လိုပြုနေကြတာတုန်း … ဆိုပြီးတားတယ် …

>>> မဟုတ်ဘူး အရှင့်သား … သူသခင်မကို ..ထောပတ် ဆီပူရေတွေနဲ့လောင်းချတယ် အရှင့်သား ….

★ ★ ★ ဟင် … ဥတ္တရာ … ငါ့ရဲ့ဥတ္တရာ … သေရှာပြီလား …

> ★ < နန္ဒ အပူတပြင်း ပြေးဆင်းသွားတယ် …. ကျမသိသွားပြီ … ကျမရဲ့ဘ၀အမှန် …
ငါကားအခစားး …. ရိုင်းရိုင်းပြောရရင် ကြေးစား …. ဥတ္တရာက နန္ဒရဲ့ ကြင်သူသက်ထား … ဇနီးမယား ….

ထာဝရမယားဖြစ်လို၍ ပြုမှားမိသည့်တိုင်အောင် နန္ဒ၏ မေတ္တာစစ်ကား … ငါ့အပေါ်မှာ မဟုတ် … ဥတ္တရာ အပေါ်မှာသာ ရှိတာငါသိရပြီ …

ဝိုင်းဝန်းရိုက်နှက်နေတာကို နာမှန်းမသိတော့ဘူး … ရှက်ခြင်း .. ပူလောင်ခြင်း … ၀မ်းနည်းခြင်း … ယူကျုံးမရဖြစ်ခြင်း ရောထွေးနေခဲ့တယ် … ဒီအချိန်မှာပဲ …

ဟဲ့ … ဟဲ့ … ငါ့ကျေးဇူးရှင် ခင်ပွန်းမကို အန္တရာယ် မပြုကြနဲ့ ရပ်ကြတော့ တော်တော့ ဆိုပြီး ကျမကိုယ်ပေါ်မှာလှဲချအုပ်မိုးပြီး … ၀င်ကာတဲ့ ဥတ္တရာကိုတွေ့လိုက်ရလျှင်ပဲ … ကျမလန့်လွန်းလို့ ကြက်သေသေသွားခဲ့တယ် ….

ထောပတ်ရေတွေ တစ်ကိုယ်လုံးရွှဲရွှဲစိုနေပါလျက် … ထိုအပူဟာ သူ့မေတ္တာဓါတ်ကို မကျော်လွှားနိုင်ကြောင်း … မျက်စိနဲ့ တပ်အပ်မြင်တွေ့လိုက်ရတယ် ….

★ သူမတော်တဆပြုမိတာဖြစ်မှာပါကွယ် …

>>> မဟုတ်ဘူးအရှင်မ .. သူ ကျကျနနလောင်းလိုက်တာ … ကျမသေသေချာတွေ့လိုက်တယ် ….

★ ကဲ ..တော်ပါပြီ …ထားလိုက်ပါတော့ … ငါ့မှာမှအန္တရာယ်မဖြစ်ပဲကွယ် … စိတ်မဆိုးကြပါနဲ့ … သူဟာ သခင်မတို့ကျေးဇူးရှင်လေ … သူသာ အရှင့်သားကို လာမပြုစုမစောင့်ရှောက်ရင် .. သခင်မတို့လဲ … ၀ိတက် .. ၀ိစာရ ရှင်းရှင်းနဲ့ ဗုဒ္ဓကို ဆွမ်းလုပ်ကျွေးနိုင်မှာမဟုတ်ဘူးလေ … ကြည့်စမ်းပါဦး … သူ့ခမျာဒါဏ်ရာတွေတောင်ရနေရှာပြီ … မင်းတို့အားလုံး သူ့ကို တောင်းပန်လိုက်ကြ ….

သူကိုယ်တိုင် ပျာပျာသလဲ ဆေးလိမ်းပေးရှာတယ် …. နန္ဒကတော့ ကျမကို စူးစူးဝါးဝါး တစ်ချက်ကြည့်ပြီး အပါးက လှည့်ထွက်သွားတယ် ….

★ ★ ကျမ မှားပါပြီအမရယ် … အမက တစ်ကယ့်သူတော်ကောင်းပါ …

★ မငိုပါနဲ့ ညီမရယ် … မငိုပါနဲ့ … ပုထုဇဉ်ဆိုတာ … ရာဂပွားသလောက် မှားကြတာပဲလေ …

★ ★ ကျမကိုခွင့်လွှတ်တာ … အမကို သိပ်အံ့သြမိတယ် …. ကျမကို မမုန်းဘူးလားဟင် …။

★ ညီမလေးကိုမုန်းလိုက်ရင် …. ထောပတ်ပူတွေဟာ တစ်ကိုယ်လုံးကို… လောင်မြိုက်တော့မှာပေါ့ … ကြည့်ပါလား … အမ ဘာမှ မှ မဖြစ်တာ …။
ဒါဟာ အမက ညီမကိုမမုန်းဘူးဆိုတဲ့ အထင်ရှားဆုံးသက်သေပါပဲ ညီမလေးရယ် ….

ကျမသူ့ကိုဖက်ပြီး အားရပါးရငိုလိုက်တယ် ….

အခန်း ( ၃ )

အဲ့ဒီနေ့ကပဲ … ဥတ္တရာရဲ့ အကူအညီနဲ့ … ကျမအိမ်ကိုပြန်ခဲ့တယ် … ဗုဒ္ဓနဲ့ရဟန်း ၅၀၀ အတွက် ဆွမ်း၊ ဆွမ်းဟင်းတို့ကို … တစ်ညလုံးကိုယ်တိုင်ချက်ပြုတ်ခဲ့တယ် ….

နောက်တစ်နေ့မှာ … ကျမပိုင်တဲ့ မြင်းဖြူလေးကောင် က တဲ့ ရထားလုံးပေါ်မှာ ဆွမ်းဟင်းအပြည့်နဲ့ … ဥတ္တရာအိမ်ကို ဒုတိယအကြိမ် … ရောက်လာခဲ့တယ် ….

ပထမတစ်ကြိမ်က … လျှပ်ပေါ်လော်လီသောစိတ်ဖြင့် …ကိုယ်တွင် လှသထက်လှအောင် … မာနဆောင်လာပြီး …

တခုတစ်ကြိမ်လာရာမှာတော့ …ကျိုးနွံအောက်ကျို့သော စိတ် … တစ်ညလုံးပင်ပန်းထားသော်လည်း …. ၀င့်ဝါမှုမရှိ ပကာသနမဆန်သောအ၀တ်တို့နှင့် …

ဖြူစင်တက်ကြွသော အပြုံးကိုဆောင်လျှက် ….. ဆွမ်းအုပ်ကို ခြေလျင်သယ်လာသောကျမကို … လမ်းသွားလမ်းလာများမြင်ပြီး … ပီတိသောမနဿ ဖြစ်နေကြပါတယ် …

ဗုဒ္ဓကိုတွေ့လိုက်ရတဲ့အချိန်မှာ … လူအားလုံးက ဖခင် လို့ ခေါ်ရတဲ့အကြောင်းရင်းကို သိခဲ့ရတယ် ….

ဗုဒ္ဓ ကိုဒီနေ့ဒီရက်ထိ မဖူးတွေ့ပဲနေခဲ့တာ … ကျမကိုယ်ကျမ ခွင့်လွှတ်နိုင်စရာ အကြောင်းမရှိပါဘူး … မိသီရိမာ ….

လှလိုက်တဲ့သီရိမာရယ် …လှလိုက်တာ … ဒီနေ့ဒီရက်ထိ …သီရိမာကို … မတွေ့ခဲ့ရတာ … သွားမရှာခဲ့တာကိုတော့ .. ကိုယ့်ကိုကိုယ် … ခွင့်မလွှတ်နိုင်အောင်ပါပဲ …. ။

မိန်းမယုတ် …. ။ (( ပြန်ကြားယောင်ပြီး ကျမကိုယ်ကျမ ကျိန်ဆဲမိပါပြီ )))

ဆွမ်းဘုန်းပေးပြီးနောက် …. ဗုဒ္ဓက ကျမကို ဂရုဏာ အပြည့်ပါတဲ့ အပြုံးနဲ့ လှမ်းကြည့်ပါတယ် … ကျမက

★ ★ ဖခင် … ယမန်နေ့က .. ကျမဟာ … ကျမရဲ့ကျေးဇူးရှင် … ဥတ္တရာကို မပြုကောင်းမပြုအပ်သောအရာ … ထောပတ်ဆီပူလောင်းပြီးသေကြောင်းကြံခဲ့ပါတယ် … သူတော်ကောင်းကိုစော်ကားမိတဲ့အတွက် … ကြီးစွာသော အပြစ်မှ လွတ်မြောက်ချင်တဲ့အတွက် …. ကြီးစွာသောနောင်တတရားနှင့်အတူ … အဖ ဘုရားရှင် ရှေ့မှောက် ရောက်လာခဲ့ပါတယ် ….

★ ★ ★ ★ ချစ်သမီး …. သူတော်ကောင်းကိုပစ်မှားလျှင် … ကြီးစွာသော အပြစ်ရှိသည်ဟု မှတ်လေလော့ …. ။

ချစ်သမီး … ချစ်သမီးတဲ့ … ဘ၀မှာ တစ်ခါမှမကြားဖူးခဲ့တဲ့ … လောကမှာ ကျမကို ဒီလို ခေါ်မယ့်သူ မရှိဘူးထင်ထားတာ …. မရှိဖူးတဲ့ ဖခင်ဆိုသူဆီက ကြားချင်ဆုံးစကား …. ဗုဒ္ဓက ချစ်သမီးတဲ့ … ကျမမျက်ရည်တွေကျလာပါတယ် … ။

★ ★ ★ ★ ချစ်သမီးဥတ္တရာ … ထောပတ်ဆီပူရည် နှင့် လောင်းသောအခါ အသို့ရှိသနည်း ….

★ တပည့်တော်သည် …သီရိမာကျေးဇူးကြောင့် …ဒါနကိုပြုခွင့်ရပေသည် … သီလကို ဆောက်တည်ခွင့်ရပေသည်… ဗုဒ္ဓကို ဖူးတွေ့ဆွမ်းလုပ်ကျွေခွင့်ရပေသည် …. သီရိမာ ကားကျေးဇူးရှင်ပေတကားဟု … လွန်စွာချစ်ကြည်သော မေတ္တာဓါတ်ဖြင့် ခံနေပါသည် ဘုရား ။

★ ★ ★ ★ သာဓု သာဓု သာဓု ဥတ္တရာ … အမျက်စောင်းမာန်ကြီးသူကို …. အမျက်မရှိခြင်းဖြင့်အောင်နိုင်ရာ၏ …။

သူတော်မဟုတ် အကျင့်ယုတ်သူကို ….
သူတော်အကျင့်ဖြင့်အောင်နိုင်ရာ၏

ဝန်တိုစဉ်းလဲ … စေးနဲသူကို ….
စွန့်ကြဲပေးကမ်း …. လှူဒါန်းခြင်းဖြင့်အောင်နိုင်ရာ၏ ….

ချွတ်လွဲဖောက်ပြန် … မမှန်စကားဆိုသူကို …
သစ္စာစကားဖြင့်အောင်နိုင်ရာ၏ ….

> ★ < ကျမ မျက်ရည်သွင်သွင် စီးကျသည်အထိ ပီတိဖြစ်ခဲ့ရသည် …. သည်မျှသော တရားအစုလေးဖြင့် ကျမစိတ်ကိုချက်ချင်းသိလိုက်ရသည် …

အယူအဆအလွဲများ … သို့လောသို့လော တွေဝေမှုများ …. အရေခွံ ကွာကျခဲ့သည် …
ဓမ္မအရသာကွန့်မြူးလျှက် … ပီတိဖြင့် ပေါ့ပါးကြည်လျှက်ရှိနေခဲ့သည်။

သံဝေဂတရား ချက်ချင်းရရှိလိုက်သည် … စိတ်သည် … ၀ါဂွမ်းနှယ် ပေါ့ပါးကြည်လင်သွားခဲ့ရသည် …

အိမ်ယာသည်လည်းကောင်း … ဥစ္စာသည်လည်းကောင်း … ကျမ၏ရူပကာယသည်လည်းကောင်း … အစရှိသော တပ်မက်မှု အားလုံးတို့သည် …. ကျမစိတ်ထဲမှ အပြီးတိုင် စင်ကြယ်သွားခဲ့သည် ….

သာဓု သာဓု သာဓု ချစ်သမီး သီရိမာ …. သင်ချစ်သမီးကား … အရိယာမဂ် ..အယဉ် အဆင့်သို့ … ဆိုက်ရောက်ခိုဝင်ပြီး ဖြစ်ပေပြီ ….။

လောက၏ဖခင် ဗုဒ္ဓ၏ စကားသည် … အမ ဥတ္တရာတို့ တိုက်ကြီးတစ်ခုလုံး သိမ့်သိမ့်တုန်သွားသည်ဟု … ကျမထင်လိုက်မိသည် … ကျမမျက်ရည်တွေကား ရွှဲရွှဲစိုလျ က်ပင်တကား....

ဖိုးသူတော် (www.phothutaw.com)
Credit:Original Writer
http://www.phothutaw.com/2016/05/blog-post_109.html မှ ကူးယူထားပါသည်။

မြန်မာ-ရုရှား စစ်ဘက် ဆက်ဆံရေး ဘာလဲ ဘယ်လဲ

တပ်မတော်
၂၀၁၅ ခုနှစ် မော်စကိုရင်ပြင်နီတွင် စစ်ရေးပြတပ်ဖွဲ့ကို အလေးပြုနေသော ရုရှားကာကွယ်ရေးဝန်ကြီး ဆာဂေးရွှိုင်းဂူး (ဓာတ်ပုံ – Reuters)
၂၀၁၆ ခုနှစ် မေလ ၅ ရက်နေ့တွင် ကာကွယ်ရေးဝန်ကြီးဌာနမှ ဒုတိယ၀န်ကြီးဗိုလ်ချုပ်မြင့်နွယ်က “မြန်မာ-ရုရှား စစ်ဘက် ဆိုင်ရာ ပူးပေါင်းဆက်ဆံရေး သဘောတူညီမှုစာချုပ်အား လက်မှတ်ရေးထိုးနိုင်ရန်” အတွက် ပြည်ထောင်စုလွှတ်တော်သို့ တင်ပြခဲ့သည်။ နှစ်နိုင်ငံ ကာကွယ်ရေးဝန်ကြီးဌာနအကြား ချုပ်ဆိုမည့် အဆိုပါစာချုပ်ကို ပြည်ထောင်စုလွှတ်တော်၏ အတည်ပြုချက်ရယူရန်အတွက် ကာကွယ်ရေးဝန်ကြီးဌာနမှ လွှတ်တော်သို့ တင်ပြလာခြင်းဖြစ်ပြီး အဆိုပါစာချုပ်နှင့်ပတ်သတ်၍ လွှတ်တော်အမတ်များအနေဖြင့် ဆွေးနွေးမှုများပြုလုပ်ကာ အတည်ပြုပေးနိုင်ခြင်းရှိ/မရှိကို ဆုံးဖြတ်ပေးရမည် ဖြစ်သည်။

နိုင်ငံရေးအသွင်ကူးပြောင်းမှုဖြစ်စဉ်ကို ဖော်ဆောင်နေသော မြန်မာနိုင်ငံအနေဖြင့် ၂၀၁၅ ရွေးကောက်ပွဲမှ ပေါ်ထွက်လာသော သမ္မတဦးထင်ကျော်၏ အစိုးရလက်ထက်တွင် အမေရိကန်အပါအ၀င် အနောက်နိုင်ငံများနှင့် ပိုမိုရင်းနှီးနွေးထွေးသော ဆက်ဆံရေးတရပ် ပေါ်ထွန်းလာနိုင်သည်ဟု နိုင်ငံတကာရေးရာ ကျွမ်းကျင်သူများက လေ့လာသုံးသပ်နေကြသလို အနောက်နိုင်ငံ များအနေဖြင့်လည်း မြန်မာနိုင်ငံနှင့် ဆက်ဆံရေး တိုးမြှင့်ရန် အားယူလျက်ရှိနေကြသည်ကို ထင်သာမြင်သာ တွေ့လာရပေသည်။ သို့သော် တပ်မတော်ဘက်ကမူ အမေရိကန်နှင့် ဥရောပတို့၏ ပိတ်ဆို့အရေးယူမှုများကို ခံနေရပြီး ကမ္ဘာ့အနောက်ဘက် မျက်နှာစာတွင် ဆက်ဆံရေးတင်းမာနေသော ရုရှားနိုင်ငံနှင့် စစ်ဘက်ဆိုင်ရာ ပူးပေါင်းဆက်ဆံရေး သဘောတူ စာချုပ်ချုပ်ဆိုရန် ကြိုးပမ်းလာသည်။
၁၉၈၈ နောက်ပိုင်းတွင် အမေရိကန်ဦးဆောင်သော အနောက်နိုင်ငံများ၏ စီးပွားရေးပိတ်ဆို့မှုဒဏ်ကို ခံခဲ့ရပြီး နိုင်ငံတကာ ဆက်ဆံရေးနယ်ပယ်တွင်အထီးကျန်ခဲ့သော မြန်မာနိုင်ငံသည် အိမ်နီးချင်း အင်အားကြီးနိုင်ငံဖြစ်သည့် တရုတ်အပေါ်တွင် မှီခို အားထားခဲ့ရသလို ကုလသမဂ္ဂလုံခြုံရေးကောင်စီတွင် မြန်မာနိုင်ငံဘက်မှ ခိုင်ခိုင်မာမာ ရပ်တည်ပေးခဲ့သော ရုရှားနှင့်လည်း ကောင်းမွန်သော ဆက်ဆံရေးတရပ်ကို ထူထောင်ထားနိုင်ခဲ့သည်။ သို့သော် ပြောင်းလဲလာသည့် နိုင်ငံရေးအခြေအနေများနှင့်အတူ မြန်မာနိုင်ငံ၏ နိုင်ငံတကာဆက်ဆံရေး အခင်းအကျင်း ပုံစံမှာလည်း ပြောင်းလဲလာဖွယ်ရှိသည်ဟု မှန်းဆချက်များ ရှိနေသော်လည်း တပ်မတော်ဘက်က ရုရှားနှင့် စစ်ဘက်ဆက်ဆံရေးကို ပိုမိုတိုးမြှင့်သွားရန် ကြိုးစားလာခြင်းမှာ စ်ိတ်ဝင်စားစရာ ကောင်းလှသလို မည်သည့်အတွက်ကြောင့် ထိုသို့ကြိုးစားလာရခြင်းဖြစ်သည်ကိုလည်း လေ့လာသုံးသပ်ကြည့်သင့်သည်။
ဆက်ဆံရေး သမိုင်းကြောင်း
မြန်မာနိုင်ငံသည် လွတ်လပ်ရေးရရပြီးချင်း ၁၉၄၈ခုနှစ် ဖေဖေါ်ဝါရီလ ၁၈ ရက်နေ့တွင် ဆိုဗီယက်ပြည်ထောင်စုနှင့် သံတမန် ဆက်ဆံရေးကို စတင်တည်ထောင်ခဲ့သည်။ လွတ်လပ်ရေးမရခင် ၁၉၄၇ ခုနှစ် စက်တင်ဘာလ ၁၈ ရက်နေ့ကတည်းက မြန်မာနိုင်ငံသည် ကမ္ဘာ့အင်အားကြီး နိုင်ငံတနိုင်ငံဖြစ်သော အမေရိကန်နိုင်ငံနှင့် သံတမန်ဆက်ဆံရေး စတင်ခဲ့ရာ အရှေ့တောင်အာရှတွင် အမေရိကန်၏ သြဇာလွှမ်မိုးမှုကို စိုးရိမ်ပူပန်နေခဲ့သော ဆိုဗီယက်ပြည်ထောင်စုအနေဖြင့် မြန်မာနိုင်ငံ လွတ်လပ်ရေးရရပြီးချင်း သံတမန်ဆက်ဆံရေး စတင်ခဲ့သည်။
ထိုအချိန်က မြန်မာနိုင်ငံသည် ဘက်မလိုက် ကြားနေရေးမူဝါဒကို ကျင့်သုံးခဲ့ပြီး အနောက်နိုင်ငံများနှင့် ဆက်ဆံရေးကောင်းခဲ့သလို ဆိုဗီယက်ပြည်ထောင်စုနှင့်လည်း ရင်းနှီးသောဆက်ဆံရေးကို တည်ထောင်နိုင်ခဲ့သည်။ နှစ်နိုင်ငံကြားက ခိုင်မာသော ဆက်ဆံရေး၏ ပြယုဂ်အနေဖြင့် ၁၉၅၅၊ အောက်တိုဘာလ ၂၁ ရက်နေ့မှ နိုဝင်ဘာလ ၄ ရက်နေ့အထိ ၀န်ကြီးချုပ်ဦးနုသည် ဆိုဗီယက်ပြည်ထောင်စုသို့ ချစ်ကြည်ရေးခရီးသွားရောက်ခဲ့ပြီး အပြန်အလှန်အားဖြင့် ၁၉၅၅ ဒီဇင်ဘာလတွင် ဆိုဗီယက်ပြည်ထောင်စုခေါင်းဆောင် ခရူးရှက်ဗ်သည် မြန်မာနိုင်ငံသို့ ချစ်ကြည်ရေးခရီး လာရောက်ခဲ့သည်။ ထို့အတူ ခရူးရှက်ဗ်သည် ၁၉၆၀၊ ဖေဖေါ်ဝါရီလတွင်လည်း မြန်မာနိုင်ငံသို့ ချစ်ကြည်ရေးခရီး ထပ်မံလာရောက်ခဲ့သည်။
အဆိုပါခရီးစဉ်များ၏ အကျိုးဆက်အနေဖြင့် ဆိုဗီယက်ပြည်ထောင်စုသည် မြန်မာနိုင်ငံရှိမြို့များ ပြန်လည်တည်ဆောက်ရေးကို အကူအညီပေးရန် ကတိက၀တ်ထားရှိခဲ့သလို ရန်ကုန် နည်းပညာတက္ကသိုလ်ကျောင်း၊ အင်းလျားကန်စပ်ရှိ အခန်း ၂၀၆ ခန်းပါ အင်းလျားလိတ်ဟိုတယ်နှင့် တောင်ကြီးမြို့ စ၀်စံထွန်းဆေးရုံ တည်ဆောက်ရေးတို့ကို အကူအညီပေးခဲ့သည်။ ခရီးမိုင် ၆၂၅၆.၈၉ မိုင်ကွာဝေးသော မြန်မာနိုင်ငံနှင့် ဆိုဗီယက်ပြည်ထောင်စုအကြားတွင် အတော်စောစောကပင် ခိုင်မာသော သံခင်းတမန်ခင်း ဆက်ဆံရေးကောင်းတရပ်ကို တည်ထောင်နိုင်ခဲ့ပြီး စီးပွားကုန်သွယ်ရေးနှင့် နည်းပညာအကူအညီ ပေးရေးလုပ်ငန်းစဉ်များကို ဆောင်ရွက်ခဲ့ကြသော်လည်း စစ်ရေးနှင့် ကာကွယ်ရေးဆိုင်ရာ ဆက်ဆံရေးပိုင်းတွင်မူ ၁၉၆၀ ကျော်ကာလများအထိ သိသာထင်ရှားသည့် ဆက်ဆံရေးအနေအထားမျိုးကို မတွေ့ရှိခဲ့ရပေ။
၁၉၅၅ ခုနှစ်၊ စက်တင်ဘာလတွင် မြန်မာနိုင်ငံအစိုးရအဖွဲ့မှ ပစ္စည်းအ၀ယ်တော်အဖွဲ့သည် အစ္စရေး၊ ယူဂိုဆလားဗီးယား၊ ဟန်ဂေရီ၊ ချက်ကိုစလိုဗက်ကီးယား၊ အရှေ့ဂျာမဏီနှင့် ဆိုဗီယက်ပြည်ထောင်စုသို့ ပစ္စည်းဝယ်ယူရေး ခရီးစဉ် သွားရောက်ခဲ့ရာ စစ်ဘက်အဖွဲ့အ၀င်အဖြစ် ဒုတိယ စစ်ပစ္စည်းဝယ်ယူမှု ညွှန်ကြားရေးဝန် ဗိုလ်မှုးထွန်းရွှေနှင့်အဖွဲ့ လိုက်ပါသွားခဲ့ပြီး ဆိုဗီယက် ပြည်ထောင်စုမှ စစ်လက်နက်ပစ္စည်းဝယ်ယူရေးကို စတင်ကြိုးပမ်းခဲ့သည်ဟု မှတ်တမ်းများက ဆိုခဲ့သည်။ သို့သော် ထိုအချိန်က ဘက်မလိုက်ကြားနေရေးမူဝါဒကို ကျင့်သုံးနေခဲ့သော မြန်မာနိုင်ငံအနေဖြင့် ကမ္ဘာ့ထိပ်သီးနိုင်ငံကြီးများနှင့် စစ်ရေးဆိုင်ရာ ဆက်ဆံရေးကို အထူးဂရုပြု၍ သတိထားဆောင်ရွက်နေရသည့် အနေအထားမျိုးဖြစ်နေ၍ မြန်မာနှင့် ဆိုဗီယက်ပြည်ထောင်စု အကြား စစ်ဘက်ဆိုင်ရာဆက်ဆံရေးမှာ သံတမန်ဆက်ဆံရေးလောက် အားမကောင်းခဲ့ပေ။
တော်လှန်ရေးကောင်စီမှ နိုင်ငံတော် အာဏာသိမ်းယူခဲ့ပြီးနောက် ၁၉၆၃ခုနှစ်၊ ဧပြီလ ၄ ရက်နေ့တွင် ဆိုဗီယက်ပြည်ထောင်စု၏ ကာကွယ်ရေးဝန်ကြီး မာရှယ်မာလင်နော့စကီးနှင့်အဖွဲ့ မြန်မာနိုင်ငံသို့ အလည်အပတ် ရောက်ရှိလာခဲ့သည်။ ဆိုဗီယက်ပြည်ထောင်စု ကာကွယ်ရေးဝန်ကြီး၏ ပထမဆုံး မြန်မာနိုင်ငံခရီးစဉ်မှာ အစောပိုင်းကာလ မြန်မာ-ဆိုဗီယက် နှစ်နိုင်ငံ စစ်ဘက်ဆိုင်ရာဆက်ဆံရေး၏ အမြင့်ဆုံး ပြယုဂ်တစ်ခုပင်။ ၁၉၆၅ ခုနှစ်တွင် တော်လှန်ရေး ကောင်စီဥက္ကဌ ဗိုလ်ချုပ်ကြီးနေ၀င်းသည် ဆိုဗီယက်ပြည်ထောင်စုသို့ ချစ်ကြည်ရေး ခရီးသွားရောက်ခဲ့သော်လည်း နောက်ပိုင်းတွင် သိသာထင်ရှားသည့် စစ်ဘက်ဆိုင်ရာ ဆက်ဆံရေးအနေအထားမျိုးကို မတွေ့ရပေ။
သို့သော် ၁၉၈၈ စစ်အာဏာသိမ်းပြီးနောက်ပိုင်း အနောက်နိုင်ငံများနှင့် သံတမန်ဆက်ဆံရေး ပြတ်တောက်ခဲ့သော မြန်မာနိုင်ငံသည် အိမ်နီးချင်းတရုတ်နိုင်ငံအပေါ် မှီခိုအားထားခဲ့ရသလို အခြားသော ရွေးချယ်မှုတခုအဖြစ် ရုရှားနိုင်ငံနှင့်ဆက်ဆံရေးကို ပြန်လည်ထူထောင်လာခဲ့သည်။ ၁၉၉၀ ကျော်ကာလများတွင် ပုံမှန်ဖြစ်လာခဲ့သော မြန်မာနှင့် ရုရှားတို့၏ ဆက်ဆံရေးသည် ၂၀၀၀ ကျော်ကာလများတွင် အရှိန်အဟုန် မြင့်မားလာခဲ့ပေသည်။
နှစ်ဘက်ဆုံမှတ်
၁၉၁၇ တွင် ဆိုဗီယက်ပြည်ထောင်စု၏ တော်လှန်ရေးခေါင်းဆောင်ကြီး ဗလာဒီမာ လီနင်က “အရှေ့ကို မျက်နှာမူကြစို့။ အနောက်ကို သိမ်းပိုက်ဖို့ အရှေ့က ကျွန်ုပ်တို့ကို ကူညီလိမ့်မယ်” ဟု ကြွေးကြော်ခဲ့သည်။
လက်ရှိသမ္မတပူတင်လည်း နိုင်ငံတကာ ဆက်ဆံရေး နယ်ပယ်တွင် အာရှ-ပစိဖိတ်ဒေသ၏ အရေးပါမှုနှင့် တရုတ်၏ သြဇာကြီး ထွားလာမှုတို့ကို မျက်စိကျလာခဲ့ပြီး ခေါင်းဆောင်ကြီးလီနင်၏ ကြွေးကြော်သံအတိုင်း အရှေ့ဘက်သို့ လှည့်လာခဲ့သည်။ အထူးသဖြင့် အရှေ့တောင်အာရှ နိုင်ငံများမှာ အရေးပါလာသည်။ ထို့ကြောင့် ရုရှားနိုင်ငံသည် ၁၉၉၄ ခုနှစ်တွင် အာဆီယံ ဒေသတွင်း ဆွေးနွေးပွဲဖိုရမ် (ASEAN Regional Forum) တွင် ပါဝင်လာခဲ့ပြီး ၁၉၉၆ ခုနှစ်တွင် အာဆီယံ၏ ဆွေးနွေးဖက်နိုင်ငံ (ASEAN dialogue partner) ဖြစ်လာခဲ့သည်။
ခေတ်မီစစ်တပ်များကို တည်ဆောက်နေသော အရှေ့တောင်အာရှ ဈေးကွက်ကြီးသည် ရုရှားအတွက် စိတ်ဝင်စားစရာ ဖြစ်နေခဲ့သည်။ အရှေ့တောင်အာရှနိုင်ငံများသည် လက်နက်နည်းပညာပိုင်းအတွက် ၂၀၂၀ ခုနှစ်တွင် အမေရိကန်ဒေါ်လာ ဘီလျံ ၄၀ ခန့်အထိ အသုံးပြုဖွယ်ရှိသည်ဟု နိုင်ငံတကာကျွမ်းကျင်သူများက ခန့်မှန်းနေကြသည်။
မကြာသေးမီ နှစ်ပိုင်းအတွင်းတွင် ရုရှား၏ နိုင်ငံတကာ လက်နက်ဈေးကွက်မှာ ဆုတ်ယုတ်မှုများနှင့် ကြုံတွေ့ခဲ့ရသည်။ အဓိက လက်နက်ဝယ်ယူသည့် နိုင်ငံတနိုင်ငံဖြစ်ခဲ့သော တရုတ်အနေဖြင့် ပြည်တွင်းလက်နက် ထုတ်လုပ်မှုကို ပိုမိုအာရုံစိုက်လာသဖြင့် ရုရှားထံမှ လက်နက်ဝယ်ယူမှု ကျဆင်းလာသည်။ နေတိုးဘက်သို့ ယိမ်းယိုင်သွားသော ဥရောပဈေးကွက်ကို လက်လွှတ်လိုက်ရသလို အရှေ့အလယ်ပိုင်း လက်နက်ဈေးကွက်မှာ ရပ်ဆိုင်းလုနီးပါး ဖြစ်နေပေသည်။ အီရတ်၊ အာဖဂန်လက်နက် ဈေးကွက်များကို လုံးဝ လက်လွှတ်လိုက်ရသလို အီဂျစ်၊ အီရန်ဈေးကွက်များမှာလည်း တရိပ်ရိပ် ကျဆင်းနေသည်။ ထို့အတူ အဓိက လက်နက်ဈေးကွက်ကြီးဖြစ်သော လစ်ဗျားနှင့် ဆီးရီးယားမှာလည်း ပဋိပက္ခများကြောင့် လက်နက်ဝယ်ယူမှု လုံးဝ ရပ်ဆိုင်းနေသည်။ ၂၀၀၉ ခုနှစ်မှ ၂၀၁၃ ခုနှစ်အတွင်း အိန္ဒိယ၏ လက်နက်ဝယ်ယူမှု ၇၅ ရာခိုင်နှုန်းကို ရုရှားမှ တင်ပို့ခဲ့သော်လည်း လာမည့်နှစ်များအတွင်းတွင် အိန္ဒိယဈေးကွက်မှာလည်း ကျဆင်းလာဖွယ် အလားအလာများ ရှိနေသည်။
လက်ရှိအချိန်တွင် ရေနံဈေး ကျဆင်းမှု၊ စီးပွားရေး ဖရိုဖရဲဖြစ်နေမှု၊ အမေရိကန်နှင့် ဥရောပနိုင်ငံများ၏ စီးပွားရေးပိတ်ဆို့ မှုနှင့် ဆက်ဆံရေး တင်းမာမှုများကြောင့် အကျပ်ရိုက်နေသည့် ရုရှားအနေဖြင့် အရှေ့ဘက်သည်သာ အဓိကထွက်ပေါက်ကဲ့သို့ ဖြစ်နေသည်။
တဖက်တွင်လည်း မြန်မာနိုင်ငံသည် ၁၉၈၈ နောက်ပိုင်း အနောက်နိုင်ငံများ၏ ဒဏ်ခတ်ပိတ်ဆို့မှုများကြောင့် တရုတ်အပေါ် အကြီးအကျယ် မှီခိုလာရပြီး ထိုကဲ့သို့ အလွန်အမင်းမှီခိုရမှုအပေါ် စိုးရိမ်လာသည့်အတွက် ပြန်လည်ဟန်ချက်ညီ ထိန်းညှိရန် ရုရှားနှင့် ဆက်ဆံရေးကို ပြန်လည်တည်ဆောက်လာခဲ့သည်။ ၂၀၀၁ ခုနှစ်တွင် မြန်မာနိုင်ငံသည် ရုရှားနိုင်ငံမှ MiG-29 လေယာဉ်များကို ၀ယ်ယူခဲ့သလို ၂၀၀၉ ခုနှစ်တွင်လည်း တရုတ်နိုင်ငံမှ ရောင်းချသော J-10 နှင့် FC-1 လေယာဉ်များကို ငြင်းပယ်ကာ ရုရှားနိုင်ငံမှ MiG-29 လေယာဉ်များကို ထပ်မံဝယ်ယူခဲ့သည်။
၂၀၀၆ခုနှစ် ဧပြီလတွင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီ ဒုတိယဥက္ကဌ ဒုတိယဗိုလ်ချုပ်မှုးကြီးမောင်အေး မော်စကိုသို့ အလည်အပတ် သွားရောက်ခဲ့ပြီး စစ်ဘက်ဆိုင်ရာ ပူးပေါင်းဆောင်ရွက်မှုများ ပြုလုပ်ရန်နှင့် စွမ်းအင်ကဏ္ဍ၊ မူးယစ်ဆေးဝါး တိုက်ဖျက်ရေးကဏ္ဍများတွင်လည်း နှစ်နိုင်ငံ ပူးပေါင်းဆောင်ရွက်သွားရန် သဘောတူညီခဲ့ကြသည်။
၂၀၀၇ ခုနှစ် မြန်မာနိုင်ငံနှင့်ပတ်သတ်၍ ပိတ်ဆို့အရေးယူမှုများဆောင်ရွက်ရန် အမေရိကန်နိုင်ငံက ကုလသမဂ္ဂ လုံခြုံရေးကောင်စီတွင် တင်သွင်းခဲ့ရာ ရုရှားနိုင်ငံသည် တရုတ်နှင့်အတူ ဗီတိုအာဏာသုံး၍ ပယ်ချခဲ့ပြီး မြန်မာစစ်ခေါင်းဆောင်များကို အကာအကွယ် ပေးခဲ့ပေသည်။
အဆိုပါကာလများအတွင်း၌ပင် မြန်မာနိုင်ငံသည် ပြည်တွင်းတွင် နျူကလီးယားသုတေသန စင်တာတခု တည်ဆောက်ပြီး နျူကလီးယားဆိုင်ရာ သုတေသနလုပ်ငန်းများကို ဆောင်ရွက်သွားရန်အတွက် ရုရှားနှင့် အကြိမ်ကြိမ် ညှိနှိုင်းပြီးသဘောတူညီမှုများ ပြုလုပ်ခဲ့သည်။ နျူကလီးယားသုတေသနလုပ်ငန်း အကောင်အထည် မပေါ်လာသော်လည်း မြန်မာနိုင်ငံသည် ရုရှား သို့ ပညာတော်သင်များ စေလွှတ်ကာ စစ်ဘက်ရေးရာ သင်တန်းများ၊ နည်းပညာဆိုင်ရာ သင်တန်းများကို သင်ယူစေခဲ့သည်။ ရုရှားပညာရေး ၀န်ကြီးဌာန၏ မှတ်တမ်းအရ ၁၉၉၃ ခုနှစ်မှ ၂၀၁၃ ခုနှစ်အထိ ရုရှားနိုင်ငံတွင် လာရောက်ပညာသင်ကြားသည့် မြန်မာကျောင်းသားပေါင်း ၄၇၀၅ ဦးရှိခဲ့သည်ဟု သိရသည်။
မြန်မာ့နိုင်ငံရေး အသွင်ကူးပြောင်းသည့်အချိန်တွင်လည်း ရုရှားနိုင်ငံသည် မြန်မာနိုင်ငံအား အပြည့်အ၀ထောက်ခံပေးခဲ့သလို ဦးသိန်းစိန်ဦးဆောင်သော အရပ်သားအစိုးရလက်ထပ်တွင်လည်း သံတမန်ရေး၊ စစ်ဘက်ရေးရာဆိုင်ရာ ဆက်ဆံရေး ကောင်းများကို ဆက်လက်ထိန်းသိမ်းထားနိုင်ခဲ့သည်။
စစ်ဘက်ဆိုင်ရာ ဆက်ဆံမှုအနေဖြင့်လည်း ၂၀၁၃ မတ်လတွင် ရုရှားကာကွယ်ရေးဝန်ကြီး ဆာဂေးရွှိုင်းဂူးသည် မြန်မာနိုင်ငံသို့ လာရောက်လည်ပတ်ခဲ့သလို အပြန်အလှန်အားဖြင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှုးကြီး မင်းအောင်လှိုင်လည်း ရုရှားနိုင်ငံသို့ သွားရောက်လည်ပတ်ခဲ့သည်။
ဆာဂေးရွှိုင်းဂူးသည် မာရှယ်မာလင်နော့စကီး လာရောက်လည်ပတ်ခဲ့ပြီး နှစ် ၅၀ အကြာတွင် လာရောက်လည်ပတ်ခဲ့ခြင်းဖြစ်ပြီး အဆိုပါ ခရီးစဉ်များအတွင်း စစ်ဘက်ဆိုင်ရာ ပူးပေါင်းဆောင်ရွက်မှုများကို ဆောင်ရွက်သွားရန် ဆွေးနွေးညှိ နှိုင်းခဲ့ကြသည်။ ထိုကဲ့သို့ နောက်ခံအခြေအနေ ဖြစ်ပေါ်တိုးတက်မှုများအပေါ် အခြေပြုပြီး ယခု နောက်ဆုံးအခြေအနေတွင် “မြန်မာ-ရုရှားစစ်ဘက်ဆိုင်ရာ ပူးပေါင်းဆက်ဆံရေး သဘောတူစာချုပ်”ရေးထိုးရန် ဖြစ်လာခဲ့ခြင်းပင်။
ပထ၀ီနိုင်ငံရေးအရဆိုလျှင် မြန်မာနိုင်ငံတွင် တရုတ်၏ လွှမ်းမိုးမှုက ကြီးမားနေသလို အစိုးရ အပြောင်းအလဲများနှင့်အတူ အမေရိကန်အပါအ၀င် အနောက်နိုင်ငံများနှင့်ဆက်ဆံရေး အလာအလားကောင်းများ ဖြစ်ထွန်းလာနိုင်ဖွယ် ရှိနေသည်။ ထို့ကြောင့် ရုရှားအနေဖြင့် အကျပ်အတည်းကာလများတွင် ခိုင်ခိုင်မာမာ ရပ်တည်ပေးခဲ့ရသော မြန်မာနိုင်ငံအား လွယ်လွယ်နှင့် လက်လွှတ်မခံလိုပေ။ အထူးသဖြင့် အစိုးရသစ်၏ အနေအထားနှင့် မူဝါဒများကို စောင့်ကြည့်နေရချိန်တွင် မိတ်ရင်းဆွေရင်းဖြစ်သော တပ်မတော်ဘက်မှ ချဉ်းကပ်ကာ မြန်မာနိုင်ငံတွင် ၎င်း၏ အနေအထားကို ပိုမိုခိုင်မာအောင် တည်ထောင်လာခြင်းမျိုး ဖြစ်နိုင်ပေသည်။
ရုရှား စစ်ဘက်ရေးရာ ကျွမ်းကျင်သူ ရာချာစလဗ်ဆီလျူကိုက မြန်မာ-ရုရှား စစ်ဘက်ဆက်ဆံရေးနှင့် ပတ်သတ်ပြီး “မြန်မာနိုင်ငံအနေနဲ့ကတော့ ခေတ်မီစစ်လက်နက်ပစ္စည်းတွေ အမြောက်အများ ၀ယ်ယူနိုင်လောက်တဲ့ငွေတော့ မရှိပါဘူး။ ဒါပေမယ့် ရုရှားအနေနဲ့ ဒီတိုင်းပြည်မှာ ခြေကုပ်ရမယ်ဆိုရင်တော့ နောက်ဆို ဘင်္ဂလားဒေ့ရှ်၊ လာအိုနဲ့ အင်ဒိုနီးရှားကို လက်နက်စရောင်းခွင့် ရှိလာမယ်။ အဲဒါ့အပြင် ဗီယက်နမ်ဘက် လက်နက်တင်ပို့ရောင်းချတာကိုလည်း ချဲ့ထွင်လို့ရမယ်”ဟု သုံးသပ်ခဲ့သည်။
မည်သို့ပင်ဆိုစေ တပ်မတော်၏ ယခုအရွှေ့မှာ စိတ်ဝင်စားစရာ ကောင်းသည်။ လက်ရှိအနေအထားအရ တပ်မတော်အနေဖြင့် တရုတ်၏ လက်နက်များအပေါ် မှီခိုအားထားမှုကို လျှော့ချလာရန် ကြိုးစားလာသလို အနောက်အုပ်စု၏ လက်နက်ရောင်းဝယ်မှု ပိတ်ဆို့ထားမှုကြောင့် ခေတ်မီတပ်မတော်တည်ဆောက်ရန် ရုရှားသည်သာ အဓိကရွေးချယ်စရာ ဖြစ်နေသည်။ ခိုင်မာသည့် ဆက်ဆံရေးသမိုင်းရှိခဲ့သလို လက်ရှိအချိန်အထိလည်း ပညာသင်များ ပုံမှန်စေလွှတ်နေပြီး နည်းပညာအရလည်း နီးစပ်မှုရှိသောကြောင့် ရုရှားနှင့် စစ်ဘက်ဆက်ဆံရေးတိုးမြှင့်ခြင်းသည် အကောင်းဆုံးရွေးချယ်မှုဟု စဉ်းစားထားပုံ ရပါသည်။
(ကိုယဲ သည် တကောင်းအင်စတီကျူ့၏ executive director ဖြစ်သည်။ တကောင်းအင်စတီကျုသည် အရပ်ဘက်-စစ်ဘက် ဆက်ဆံရေးကို လေ့လာသုံးသပ်သည့် အဖွဲ့ဖြစ်သည်။)
http://mobile.irrawaddy.com/article/2016/05/09/113719.html မှ ကူးယူထားပါသည်။